VOV4.K’ho- Tơnga pa do, ală mpồl ling gơ wèt Mpồl ling sền gàr tiah nhàr lơgar càr Dak Nông lơh pràn broă mblàng yal jơnau tus mờ làng bol, pơgồp dà kơl hề tàm broă lơh rcang sơn dră kòp tàm tiah nhàr lơgar. Ală mpồl ling neh geh uă broă lơh mbàng yal li la bè loa pờ tơlik jơnau mblàng yal ntrờ` làm bă tiah, jơnau tơng^t, panô, băng rôn, áp phích, tus tơl nơm hìu mờ tus tơn tàm tiah lơh sre, lơh  mìr nàng mblàng yal jơnau.

Xã tiah nhàr lơgar Thuận An, kơnhoàl Dak Mil, càr Dak Nông geh rlau 30% khà kờp làng bol là kòn cau M’nông, kis tơr gùm tàm 2 [òn Sar Pa mờ Bu Dak. Làng bol sùm geh bơta g^t gơ\p rềp mềr mờ sùm lòt rê còp cau rềp mềr  làng bol đah lơgar Campuchia. Tàm ù tiah xã geh Mpồng nhàr lơgar Dak Preu, den tàng bơta pơhìn kòp Covid-19 bơtờp tàm ù tiah do dê là uă ngan.

              Mpồl ling sền gàr tiah nhàr lơgar mblàng yal broă lơh rcang sơn dră kòp Covid-19 tàm drà Thuận An

Thiếu tá Doãn Văn Tiến, Chính trị viên Pôs đồng mpồl ling sền gàr tiah nhàr lơgar Mpồng nhàr lơgar Thuận An dê pà g^t: mpồl neh lam lơh ală tơngume mblàng yal jơnau mờ ală broă lơh li la ngan bè mblàng yal tơr gùm bal, bơh loa pờ tơlik jơnau đơs ntrờ` uă tiah, ală jơnau tơng^t, panô, băng rôn, áp phích, tus tơl nơm hìu mờ tus tơn tàm tiah lơh sre, lơh mìr làng bol dê.

Sră mblàng yal geh nblàng, ku\p săp mờ dà đơs kòn cau tiah do dê nàng dong làng bol in buơn kơno, buơn g^t wă mờ buơn lơh jat. Bơdìh hơ\ tai, Pôs đồng gam pơgồp bal mờ kấp ủy, gơnoar atbồ, ală gah sơnah lơh broă, mpồl cau tàm tiah do dê tơr gùm yal tơng^t, mblàng yal jơnau, tơnguh bơta g^t wă bơh đoàn viên, cau tàm mpồl, làng bol ờ tus bal dong cau lik mờ mut tàm lơgar tìs mờ kơrnoat boh lam.

Ồng Y Dốc, ơm tàm [òn Sar Pa, kơnhoàl Dak Mil, càr Dak Nông pà g^t:  Geh Kuang bàng ling sền gàr tiah nhàr lơgar mblàng yal, làng bol bơnah lơi g^t bè kòp mờ broă lơh rcang sơn dră kòp nàng pleh bơta bơtờp kòp. Tơl nă cau tàm hìu bơnhă, làng bol in wă broă rcang sơn dră kòp, ngan là ờ hoan lòt rê lòt còp cau rềp mềr mờ đah lơgar Campuchia, pleh mờ broă lời gơlik geh bơtờp kòp tai bơh lơh ờ jơh nùs sền gròi mờ bơtờp uă kòp tàm mpồl bơtìan

Tàm xã Quảng Trực, kơnhoàl Tuy Đức, càr Dak Nông ală ngai do, bulah trồ tiah ờ niam, mìu jo\ jòng sùm, mơya mờ nùs nhơm geh kơnòl uă, kuang bàng, cau ling Pôs đồng ling sền gàr tiah nhàr lơgar Dak Dang pơgồp bal mờ kấp ủy, gơnoar atbồ tiah do dê tus tơl thôn, [òn, hìu bơnhă làng bol nàng phàt sră mblàng yal, pơlam broă sền g^t bơta gơ tơngo\ kòp. Mpồl gam pà chèu glòm muh mat, dà rào tê lơh kloh khuẩn, sră mblàng yal mờ pơlam ki\ hơ sră hơ pơr gon bè lơh jat ală broă lơh rcang sơn dră kòp Covid-19.

   Mpồl ling sền gàr tiah nhàr lơgar tus tơn tàm tiah lơh sre lơh mìr nàng phàt sră mblàng yal broă lơh rcanmg sơn dră kòp Covid-19

Tơngai pa do, Gah đơng lam Mpồl ling sền gàr tiah nhàr lơgar càr Dak Nông neh đơng lam 100% ală anih lơh broă, mpồl lơh broă dùl ròt bal ai cau lòt lơh broă nhai mblàng yal uă, hòi jà làng bol tàm tiah nhàr lơgar rcang sơn dră kòp Covid-19 tàm tơngai pa. Ală mpồl lơh broă neh bơyai lơh in mờ pà 10 rơbô pang sră mblàng, mờr 20 rơbô sră hơ pơr gon rcang sơn dră kòp Covid-19 ai làng bol tàm ù tiah 7 xã tiah nhàr lơgar in. Tơngume mblàng yal tơr gùm tàm ală jơnau tơngkah bơh Bộ Y tế dê bè broă lơh rcang sơn dră kòp bơtờp mờ bơtờp uă kòp tàm mpồl bơtìan; 2,3 jơnau sồr bơh adat boh lam dê bè lơh glài cau lik mờ mut tàm lơgar tìs mờ kơrnoat boh lam; ală jơnau sồr bè broă atbồ tiah nhàr lơgar; ală broă lơh, khà lơh glài gơ wèt mờ ală broă lơh tìs.

Thượng tá Rơ Lan Ngân, Phó Chủ nhiệm Chính trị Mpồl ling sền gàr tiah nhàr lơgar càr Dak Nông pà g^t: mờ nùs nhơm “ lòt tơl sơne\ gùng dềt, teh mpồng tơl nơm hìu, tus tơn tàm tiah lơh sre, lơh mìr” Mpồl ling sền gàr tiah nhàr lơgar pơgồp bal mờ kấp ủy tiah do dê tơr gùm mblàng yal ai làng bol in nàng bơt bơtàu “ tơl hìu bơnhă là dùl anih sơn dră kòp”. Bơh hơ\, làng bol tơnguh uă bơta g^t wă, ba` sền ờ sơ\p kòp mờ sùm pin dờn tàm bơta đơng lam bơh Đảng, Dà lơgar mờ Chính phủ dê, bơta tus bal bơh ală kấp, ală gah sơnah lơh broă mờ gùt mpồl bơtìan tàm broă lơh rcang sơn dră kòp Covi-19, gàr niam broă bơtàu tơnguh lơh sa- mpồl bơtìan, sền gàr bơta lơngap lơngai mờ ờ do ờ dă mpồl bơtian.

Jat Ba\o Dak Nông -Cau mblàng K’ Hạnh