VOV4.K’ho- Bu lah ù tiah tàm tiah nhàr lơgar kal ke, trồ tiah ờ niam ngan, mơya kuang bàng, cau ling Pôs đồng ling sền gàr tiah nhàr lơgar Dak Dang ơm tàm ù tiah xã Quảng Trực, kơnhoàl Tuy Đức, càr Dak Nông sùm lơh ngan bơsong bơta bòl glar kal ke nàng kơryan kòp Covid-19 bơh tàm tiah nhàr lơgar, gàr niam bơta lơngap lơngai ai làng bol [òn lơgar in.

Tây Nguyên gam tàm kàl mìu uă, tiah nhàr lơgar càr Dăk Nông rềp nhàr bal mờ lơgar Campuchia mìu den sơlơ uă rlau. Tàm tiah do, Pôs đồng ling sền gàr tiah nhàr lơgar Dăk Dang (gơ wèt ù tiah xã Quảng Trực, kơnhòal Tuy Đức) geh lơh 2 anih sền gròi kòp Covid-19, tơl anih sền gròi ngài pơgap 3 kơi sồ. 

                  Kuang bàng, cau ling Pôs đồng ling sền gàr tiah nhàr lơgar Dăk Dang lòt sền

Đại úy Đỗ Văn Giang – Chính trị viên Pôs đồng Dăk Dang cong tê đah dà croh yal “tàm tiah do gơtùi sền jơh ală tiah nhàr lơgar rềp nhàr bal mờ lơgar gơ\p bơyô Campuchia. Tàm tiah do, bulah ờ rềp mờ tiah làng bol ơm kis mơ ya geh dùl công ty lơgar ndai dê gam lơh broă. Kơnòl broă bơh mpồl lơh broă dê là kơryan, sền gròi niam, ờ go\ lời ală cau mut tàm tiah nhàr lơgar tìs mờ kơrnoat boh lam.

Anih kơryan kòp tờm pa geh lơh mờ ală sơlo crăp bal den oh mi geh tiah ơm dòp tu\ trồ mìu mờ tu\ tơngai duh; ai tàm ală anih kơryan kòp ing oh mi ơm sa mờ lơh broă tàm anih lơh mờ toal tang ing, kal ke uă rlau. Trồ ngai den tơngai duh, mang den mrềt, uă ngan mìu dờng gơ prih lơh sùh mờr jơh, pal kơ\t toal tang ơyun tàm bơdìh nàng b^c. Kờ` geh dà ngui sa, ală cau ling pal lòt tus tàm hìu làng bol, ngài rlau 4 kơi sồ pơn diang tơl thung dà 20 lít. Den tàng bè hơ\, broă ngui dà kung pal tềm pềr ngan; uă ngan ngui nàng hùc mờ gơm bung mi lơm.

Ală cau ling sền gàr tiah nhàr lơgar Dăk Nông lòt sền tàm trồ mang nàng kơryan ală broă mut tàm tiah nhàr lơgar tìs mờ kơrnoat boh lam

Tu\ trồ mang, gùt dar bơnhă ồs, dơ\ tàm jàu broă lơh, tam pà kơnòl broă geh lơh, den tam pà bal tơl nă cau lơh dùl kơnòl broă, cau lơh broă tơn tàm anih kơryan kòp, cau lòt sền gùng tiah nhàr lơgar. 8 jiơ mang, mpồl geh 5 nă ling sơn đờm lòt lơh broă. Ală cơn đoà jơng ngềt ngơ\t, ndrờm bal tàm pơn jat bal tàm gùng lòt dềt jat kềng gah tiah nhàr lơgar. Tơl nă cau tàm mpồl ndrờm lơh ngan iăt, lơh ngan sền tơl bơta tềl tơngo\ tàm gùng lòt. Tơnơ\ tu\ lòt sền tus anih rềp nhàr bal mờ mpồl lơh broă ndai, lòt sền gùt dar bơta ờ do ờ dă, oh mi tàm mpồl lòt jơng rê wơl tàm anih kơryan nàng ơm rlô, dùl mpồl ndai geh ala mờ pơn jat tai lòt sền mờ sền gròi.

Bơsong bơta bòl glar kal ke, ală cau ling sền gàr tiah nhàr lơgar gam lơh ngan ngềt ngơ\t kơryan kòp tàm tiah nhàr lơgar, kơryan tơn jơh bơta pơhìn kòp bơh tiah đah bơdìh mut tàm ù tiah he dê. Trung tá Trần Anh Tuấn, Kuang atbồ bồ Pôs đồng ling sền gàr tiah nhàr lơgar Dăk Dang, gơ wèt Mpồl ling sền gàr tiah nhàr lơgar càr Dăk Nông, đơs nền: “Sền gàr tiah nhàr lơgar là kơnòl broă bơh cau ling dê. Den tàng bè hơ\, jơh tơl nă kuang bàng, cau ling ndrờm tơnguh uă nùs nhơm lơh ngan, tơnguh broă lòt sền, sền gròi nàng di tu\ sền go\, kơryan, ờ go\ lời ală cau mut tàm lơgar tìs mờ kơrnoat boh lam, pơgồp bơnah sền gàr rài kis lơngap lơngai làng bol tàm tiah kơryan kòp in.

Jat Ba\o Dăk Nông- Cau mblàng K’ Hạnh