VOV4.K’ho- Gah đơng lam Mpồl ling sền gàr tiah nhàr lơgar càr Dak Nông pơn jat tai geh gùng dà broă lơh sền gàr niam gơ noar tờm tiah nhàr lơgar bơh dà lơgar dê bal mờ kơnòl broă pơn jat tai rcang sơn dră kòp Covid-19 geh cồng nha.

            Ală cau ling sền gàr tiah nhàr lơgar tàm ală  anih kơryan sền gròi tàm tiah nhàr lơgar

Nam 2020, gah đơng lam Mpồl ling sền gàr tiah nhàr lơgar Dak Nông neh lơh gơs niam ngan kơnòl broă geh jàu. Ngan là lơh jat broă lơh rcang sơn dră kòp Covid-19, Mpồl ling sền gàr tiah nhàr lơgar Dak Nông neh crơng gơs, gàr niam 20 mpồl lơh anih kơryan nàng sền gàr tiah nhàr lơgar mờ rcang sơn dră kòp. Mpồl ling sền gàr tiah nhàr lơgar Dak Nông neh dong kờl làng bol rlau 1 rơbô 700 ngai lơh broă; kham, sơm kòp, pà sơ nơm ờ sa pria\ ai mờr 1 rơbô nă làng bol in, dong kờl phan bơna lơh sơ nơm, phan ngui sa ai làng bol in rcang sơn dră kòp Covid-19 mờ kờp pria\ rlau 247 tơlak đong…

Nam 2021, Gah đơng lam Mpồl ling sền gàr tiah nhàr lơgar Dak Nông pơn jat tai rcang lài bơta pràn rcang lài tam lơh sền gàr kơ\ kơl jap gơ noar tờm tiah nhàr lơgar dà lơgar dê. Pơgồp bal mờ ală mpồl lơh broă lơh jat niam kơnòl broă sền gàr bơta lơngap lơngai, gàr niam rơndap tap sèng, ờ do ờ dă mpồl bơtìan, lơh ngan kơryan mờ dră wơl cau lơh tìs mờ kơ nòl broă sền gàr dà lơgar, rcang sơn dră kòp, trồ tiah lơh aniai.

Cau mblàng K’ Hạnh