VOV4.K’ho- Bal mờ kơnòl broă sền gàr kơ\ kơl jap gơnoar tờm tiah nhàr lơgar Dà lơgar dê, pơgồp bal mờ broă sền gròi rài kis làng bol tiah nhàr lơgar in, uă nam do, Mpồl ling sền gàr tiah nhàr lơgar càr Gia Lai neh lơh ngan ai uă ling klàng tus tàm [òn lơgar, dong làng bol tiah nhàr lơgar bơt bơtàu [òn lơgar pa. Ală broă lơh bơh Mpồl ling sền gàr tiah nhàr lơgar sơlơ lơh rềp mềr rlau tai nùs nhơm ling klàng làng bol- lơh niam rùp să cau ling Wa Hồ dê tàm tiah nhàr lơgar.

Tàm 5 nam, bơh nam 2016 tus nam 2020, Gah đơng lam ling klàng Mpồl ling sền gàr tiah nhàr lơgar càr Gia Lai neh rcang pơ gồp mờ ală mpồl lơh broă tus bal bơt bơtàu ală broă lơh drơng broă lơh sa làng bol in, gàr tơl niam rài kis mpồl bơtìan tàm ù tiah càr dê. Tàm hơ\, Mpồl ling sền gàr tiah nhàr lơgar neh tus bal lơh gơl gùng bơh xã Ia Chía mut tàm Pôs đồng ling sền gàr tiah nhàr lơgar Ia Chía jòng rlau 18 kơi sồ mờ kờp jơh priă lơh 80 tơmàn đong; lơh niam wơl gùng lòt sền tiah nhàr lơgar mờr 1 tơmàn 500 tơlak đong; lơh ală ding dà sàng kloh tàm Pôs đồng ling sền gàr tiah nhàr lơgar Ia O kờp mờ priă 400 tơlak đong; pơgồp bơnah tơnguh niam rài kis kuang bàng, cau ling tàm mpồl mờ làng bol in tàm tiah nhàr lơgar.

Mpồl kuang bàng ling sền gàr tiah nhàr lơgar ai tus tàm 7 xã geh gùng nhàr lơgar rềp mờ lơgar Campuchia neh bơyai mờ gơnoar atbồ tàm tiah do lơh mờr 50 kơi sồ gùng lòt tàm [òn lơgar, gùng lòt tàm suơn sre mờ kờp jơh rlau 52 tơmàn đong. Mpồl ling sền gàr tiah nhàr lơgar bal mờ ală mpồl ndai tàm do dong làng bol lơh niam wơl hìu ơm, dong lơh 20 nơm hìu, kờp priă 139 tơlak đong.

                   Mpồl ling sền gàr tiah nhàr lơgar tus bal lơh gùng [òn lơgar pa tàm xã Ia Mơr, kơnhoàl Chư Prông

Bơdìh mờ hơ\, Gah đơng lam Mpồl ling sền gàr tiah nhàr lơgar càr Gia Lai kung sùm pơgồp bal mờ Mpồl tam klăc cau ùr tàm càr, 2,3 mpồl cau, cau dùl nă să is hòi jà, tă pơgồp rlau 2 tơmàn 500 tơlak đong lơh sùm mờ bơyai lơh ală broă lơh “Lòt bal mờ cau ùr tiah nhàr lơgar”, “ Nam pa tiah nhàr lơgar ram mhu\ nùs nhơm làng bol tàm [òn”.

Mờ bơta krơi is là tiah geh uă làng bol jơi bơtìan kòn cau ơm kis, tàm ală nam do, Mpồl ling sền gàr tiah nhàr lơgar càr Gia Lai neh pơgồp bal mờ ală gah lơh broă geh gơ rềng pờ uă ơdu\ bơto pơlam làng bol tam gơl rơndap tap sèng phan tam, phan ròng mờ ngui bơta chài tàm broă lơh sa, bơh hơ\ hời rơ hời tam gơl bồ tơngoh kơlôi sơnơng wơl, pơn jờng làng bol lơh is brồ guh lik klàs r[ah, lơh gơs di pal, pơgồp bơnah bơt bơtàu thôn, [òn tiah nhàr lơgar ngai sơlơ kơ\ kơl jap.

Ngan là ală broă lơh dong làng bol bơtàu tơnguh lơh sa, tơn jơh jơgloh tơr mù r[ah bè: broă lơh ràng tơlik kòi sre, hìu bềp tru\ sa nùs nhơm, kòn ròng Pôs đồng ling sền gàr tiah nhàr lơgar dê, lòt bal mờ oh tus hìu bơsram neh geh lơh uă tàm jơh ală Pôs đồng ling sền gàr tiah nhàr lơgar mờ cồng nha lơh geh ngan ngồn. G^t nđờ rơbô nă cau geh dong kờl, tàm hơ\ uă ngan là kơnòm bơsram, làng bol r[ah, rài kis hìu bơnhă kal ke mờ hìu bơnhă chính sách.

                      Mpồl ling sền gàr tiah nhàr lơgar càr Gia Lai pơlam làng bol in g^t broă tam phan 

Mờ bơta tă pơgồp geh kuơ ngan mờ jơh bal phan bơna bal mờ nùs nhơm bơh mpồl ling sền gàr tiah nhàr lơgar càr Gia Lai, bồ nam 2016 xã Ia Dom, kơnhoàl Đức Cơ là xã sơn rờp tàm tiah nhàr lơgar geh dờp tơl khà [òn lơgar pa. Nhai 3/ 2019 [òn Sơn, xã Ia Nan, kơnhoàl Đức Cơ geh dờp tơl khà [òn lơgar pa tàm tiah làng bol jơi bơtìan kòn cau.

Nam lài, UBND càr Gia Lai sồr Gah đơng lam Mpồl ling sền gàr tiah nhàr lơgar càr dê dờp gơnoar broă bơt bơtàu [òn lơgar pa tàm xã Ia Mơr, kơnhoàl Chư Prông, tơngai bơh nam 2019-2020. Ală mpồl lơh broă tàm Mpồl ling sền gàr tiah nhàr lơgar càr dong 360 ngai lơh pơng gàr ai rlau 500 hìu bơnhă làng bol in, lơh  mờr 300 wàng ròng phan, 200 nơm hìu jă brê; lơh niam wơl 5 nơm hìu, pà 3 nơm kơn rồ, lơh 1 nơm wàng ròng kơn rồ ai hìu bơnhă r[ah in; tam 100 tờm chi xà cừ tàm ù tiah xã Ia Mơr in.

Trung tá Nguyễn Hữu Quyết, Chính trị viên Tiểu đoàn Huấn luyện Cơ động, Mpồl ling sền gàr tiah nhàr lơgar càr Gia Lai đơs: ai jơnau bơsram mờng chài bơh ală dơ\ dong kờl bơh lài, mpồl geh cribơyai mờ gơnoar atbồ ală tiah lơh gơs ală khà kờ`, dong kờl làng bol tiah nhàr lơgar geh rài kis tơl làm rlau tai, pleh mờ bơta hoàc huơr tàm tu\ dờp ală broă lơh dong kờl bơh mpồl bơtìan dê tàm broă lơh bơt bơtàu [òn lơgar pa.

Tàm dơ\ lòt nhơl bơdìh lơh broă hòi jà làng bol nhai 6/2020, mờr 30 nă kuang bàng, cau ling ală mpồl lơh broă tàm Pôs đòng ling sền gàr tiah nhàr lơgar Ia Púch, Tiểu đoàn Huấn luyện cơ động, Gah đơng lam ling sền gàr tiah nhàr lơgar càr Gia Lai neh tă pơgồp g^t nđờ rơhiang ngai lơh niam wơl pơng gàr, tờ bơtô ù tuh sồ siă mờ lơh pa hìu jă brê, lơh niam gùng che ồs đèng, crăp bong đèng lơh geh bơta àng làng bol xã Ia Púch, kơnhoàl Chư Prông in. Broă lơh bơh ală cau ling dê cèng wơl cồng nha dờng ngan, lời wơl bơta tềl tơngo\ Mpồl ling sền gàr tiah nhàr lơgar niam bơne\ tàm nùs nhơm làng bol tiah nhàr lơgar dê.

Ồng Lê Văn Tuấn, Chủ tịch UBND xã Ia Púch, kơnhoàl Chư Prông, pà g^t, tơl nă làng bol ndrờm đơs niam ngan bơta dong kờl do mờ g^t ưn ngài ală mpồl ling uă ngan. Làng bol kơ\p kờ` pah nam Tiểu đoàn geh pơn jat tai pơgồp bal mờ gơnoar atbồ ală tiah nàng lơh gơs ală khà kờ` bè bơt bơtàu [òn lơgar pa tàm ù tiah do dê.

Bơta sơm bat tê bal tàm srơh bơt bơtàu [òn lơgar pa bơh mpồl ling sền gàr tiah nhàr lơgar càr Gia Lai neh ngan ngồn lơh muh mat tiah nhàr lơgar ngai sơlơ tam gơl niam. Ală broă lơh bơh ală bi dê sơlơ lơh rềp mềr rlau tai nùs nhơm ling klàng- làng bol, lơh niam rùp să cau ling tiah nhàr lơgar tàm tiah nhàr bơh Dà lơgar dê, pơgồp bơnah tàm broă lơh sền gàr gơnoar tờm ù tiah nhàr lơgar bơh Dà lơgar dê.

Quốc Học ai bơh TTXVN- Cau mblàng K’ Hạnh