VOV4.K’ho – Kờp tus gùl nhai 11 nam 2015 do, Pôs đồng ling sền gàr tiah nhàr lơgar Mpồng nhàr lơgar dunia Lệ Thanh, càr Gia Lai neh sền go\ mờ ku\p jơh ală là 51 dơ\ mờ 45 nă cau geh broă lơh kă bro tìs mờ kơrnoat boh lam mờ blơ\ blăc kă bro lòt gan ù tiah mpồl dê atbồ. Bơh hơ\, mpồl ling sền gàr tiah nhàr lơgar neh ku\p 57 rbô 500 kơldung jràu, gi\t nđờ jơ\t khối dơm chi ală bơta mờ uă ngan bơta phan bơna ndai bè siau phàu, phàu bơkàu pơ àr, sơdàng, dà toh, rơndeh măy, rơndeh dờng, rơndeh lơ òr…Sền go\, di tàm dơ\ lồi nam jơnau kờ` ngui phan bơna gơguh uă ngan, broă lơh kă bro tìs mờ kơrnoat boh lam digơlan gơbàn kal ke rlau, mpồl đơng lam Đảng, Mpồl đơng lam Pôs đồng ling sền gàr tiah nhàr lơgar Mpồng nhàr lơgar dunia Lệ Thanh neh geh broă rơndăp lơh sơlơ lơh uă tai broă lơh rcang sơndră kă bro tìs mờ kơrnoat boh lam mờ blơ\ blăc kă bro. Ồng Lê Mạnh Lực kuang jat jơng atbồ pôs đồng ling sền gàr tiah nhàr lơgar Mpồng nhàr lơgar dunia Lệ Thanh, đơs: “Tàm tơngai tus, Mpồl đơng lam Đảng, Mpồl đơng lam pôs đồng sồr kuang bàng mờ cau ling lơh niam broă lùp khàu bè broă kă bro tìs mờ kơrnoat boh lam, blơ\ blac kă bro, gi\t ngan ngồn broă lòt rê mờ broă prăp pồn phan bơna kă bro gan tiah nhàr lơgar, bơh hơ\ rcang lài lam lòt sền, jòi ku\p mờ ku\p geh cồng nha, kờ` lơh bè lơi bơh tu\ do tus lồi nam sền gàr niam bơta lơngăp lơngai gùng dră bal tàm tiah do”..

Cau cih mờ yal tơngi\t- Lơ Mu K’ Yến