VOV4.K’ho – Ngai òr 7/12, Mpồl lơh broă adat boh lam Hội đồng Nhân dân càr Daklak dê bơyai lơh sền sơ wì wơl tơngume ală jơnau yal tàm pơrjum dơ\ 3, Hội đồng Nhân dân càr kơnă IX. Tàm dơ\ lơh broă, Mpồl lơh broă adat boh lam Hội đồng Nhân dân càr Daklak sền bal neh dùl nùs ring bal mờ jơnau yal Cồng nha lơh broă wa\ làng bol, bơsong yal yă mờ rơcang sơndră sa kuề sa kùa nam 2016. Bal mờ ală cồng nha lơh geh, Mpồl lơh broă adat boh lam Hội đồng Nhân dân càr Daklak sồr Uỷ ban Nhân dân càr Daklak di tu\ đơng lam ală anih lơh broă mờ ală kơnhoàl, [òn dờng tàm càr kờp sền wơl, tơrgùm bơsong jơh ală dơ\ yal yă, tơnguh jơnhoa rlau tai kơnòl bơh cau lam bồ ală anih lơh broă gơnoar atbồ ală kơnă dê tàm broă lơh wa\ làng bol, bơsong sră yal yă, sră lùp bơh làng bol dê…Gùng dà broă lơh mờ kơnòl broă nam 2017, sồr Uỷ ban Nhân dân càr Daklak pơn jat tai kờp sền wơl, lơh kơ\ kơl jăp wơl mpồl kuang bàng ală kơnă, ală gah mờ ală tiah jat gùng dà broă lơh dùl ết nă  cau, sàng goh, tơnguh jơnhoa nùs nhơm niam lơh broă gi\t jơnau; bơcri priă di broă, di tu\; drơng ai broă lơh tam gơl rơndăp tăp sèng lơh sa mờ rơndăp tăp sèng gah jat gùng dà tàm pơrlòng; lơh pràn mpồl bơtiàn lơh bal, hòi jà tă pơgồp uă ală priă jền bơh mpồl bơtiàn dê drơng tàm broă lơh bơto bơtê, lơh sơnơm, niam chài...

Cau cih mờ yal tơngi\t- Lơ Mu K’ Yến