VOV4.K’ho – Ua\ ơruh pơnu tàm Mpồl lơh broă bal ơruh pơnu tàm thị trấn Liên Nghĩa, kơnhòal Đức Trọng, càr Lâm Đồng neh brồ guh lơh pas tàm [òn tờm he dê. Kờp bal pah nhai, Mpồl lơh broă bal ơruh pơnu tac tàm drà kă bro rlau 300 tấn biap ală bơta mờ pria\ lơh geh git nđờ jơt tơlak đông ai tơl nă cau tàm mpồl in.

Lik bơh mpồl ling rê wơl hờ [òn tờm, bi Lưu Lập Đức ơm tàm thị  trấn Liên Nghĩa, kơnhòal Đức Trọng, càr Lâm Đồng ờ lòt hờ [òn dờng jòi broă mờ ơm wơl [òn tờm nàng sơn đờm mut lơh broă.

Bi Đức yal, bơh sơn rờp tài ờ tơl pria\ tă lơh, ờ geh mờng chài lơh broă den tàng rlau 1 lồ ù tam biap, kơphe kung mìng tơl ngui tơl sa gời. Ală tu\ khà pria\ biap gơmù, cau tac bro ờ blơi den kal ke sơlơ ua\ rlau tai. Bi Đức neh lơh ngan tam gơl tam ală bơta chi tam jat gùng dà lơh jat di jơnau hơ pơrgon sàng kloh - ờ do ờ dă. Kơ nờm bơh hơ\ mờ ală bơta biap tam geh kàr lơi den tac jơh kàr hơ\, cèng wơl pria\ jền git nđờ rhiang tơlak đông pah nam. Bi Đức kah wơl ală kal ke tu\ sơn đờm mut lơh broă:

“Kal ke den ua\ ngan, ngan là anih tac biap lơh gơlik, dơ\ 2 là pria\ tă lơh tài tu\ tă pria\ lơh bơh tu\ tam tus tu\ tơnhàu den hoàc ua\ ngan pria\ jền. Ai bè bơta [uơn den a` neh ki\ ală sră pơrgon mờ ală mpồl lơh broă bal bè kong ti, siêu thị, ală bơta phan lơh gơs neh cih mat mờ tam jat ală jơnau sồr bơh đah mpồl lơh broă bal dê là he neh geh anih blơi phan lơh gơs”.

Ờ mìng bè hơ\ lơm ờ, nàng dong ua\ ơruh pơnu brồ guh sơn đờm mut lơh broă, nam 2019, bi Đức neh khin cha crơng gơs Mpồl lơh broă bal ơruh pơnu nàng kờ` lơh gơlik bơta li la ală bơta biap sàng kloh drơng jat jơnau kờ` bơh cau ngui sa dê. Kơ nờm git ngui bơta [uơn bè ù tiah, trồ tiah mờ ngui khoa học kỹ thuật tàm broă lơh sa, den tàng pria\ cồng lơh geh bơh mpồl lơh broă bal dê gơguh ua\ ngan. Bi Vi Văn Chương, cau tàm mpồl lơh broă ơruh pơnu pà git: Tu\ tus bal mpồl lơh broă bal, geh bơta dong kờl bơh ală cau tàm mpồl dê den tàng ală kal ke bè pria\ tă lơh, sơntìl chi tam, bơta chài sơngka sền gàr mờ kuơmàng là anih blơi phan lơh gơs neh geh bơsong:

“Lài do, dùl lồ a` ờ jai lơh jơh, pal sang gời. Tu\ do mut tàm mpồl lơh broă bal a` gơtùi tam tàm pơdar den tàng cồng nha cèng wơl jơnhua rlau mờ lài do lơh is dùl nă să. Mut tàm mpồl lơh broă den ù ờ tu\ lơi sang gời, a` tam phan tàm pơdar sùm, den tàng pria\ lơh geh gơguh ua\ rlau bơh 2 tus 3 dơ\, bơh 200 tus 300 tơlak đông pah nam”.

Tu\ pa crơng gơs, mpồl lơh broă bal ơruh pơnu geh 10 nă cau tus bal mờ pria\ tă lơh rlau 100 tơlak đông, tus tu\ do, neh geh 20 nă cau tàm mpồl mờ pria\ sơn đờm mut lơh broă neh gơguh tus rlau 2 tơmàn đông.  Jơh ală cau tàm mpồl ndrờm geh bi Đức dong kờl bơh sơntìl, bơta chài sơngka sền gàr tus anih blơi phan lơh gơs. Tu\ do kờp bal pah nhai mpồl lơh broă bal ơruh pơnu bơh bi Đức dê tac tàm drà kă bro rlau 300 tấn biap ală bơta, cèng wơl pria\ cồng rlau 2 tơmàn 500 tơlak đông. Bal mờ hơ\, Mpồl lơh broă bal gam lơh ală hìu ma\i lơh biap, bơh hơ\ ai geh tai broă lơh kơ\ kơljap ai bơh 30 tus 50 nă ơruh pơnu tàm [òn lơgar in mờ pria\ lơh geh bơh 5 tus 15 tơlak đông pah nhai.

Bi Phạm Việt Hùng, Bí thư Đoàn thị trấn Liên Nghĩa pà git: Đoàn ơruh pơnu thị trấn gam pơn jat tai hòi jà ală đoàn viên, ơruh pơnu tus bal Mpồl lơh broă bal nàng tàm dong kờl bal mờ gơp bơtàu tơnguh lơh sa kơ\ kơljap, brồ guh lơh pas:

“Bol hi neh dong bi Đức càn 100 tơlak đông bơh Ngân hàng Chính sách xã hội geh dong kờl pria\ cồng, ờ duh pal geh phan lơh sră càn pria\. Bơh pria\ bơcri ka\ bro hơ\, bi Đức neh khin cha rề ơnàng drà kă bro, ki\ mờ 20 nă cau tus bal mpồl lơh broă bal mờ bă ù kờp jơh 20 lồ. Ală bơta phan nàng tac ròt mpồl lơh bal do in bơh Mpồl lơh broă bal dê tac, ờ mìng gàr anih blơi phan lơh gơs mờ gam geh khà pria\ kơ\ kơljap tai, den tàng, ală cau tàm mpồl iang nùs ngan tu\ tus bal tàm mpồl lơh broă bal”.

Ờ mìng gàr niam anih blơi phan lơh gơs kơ\ kơljap ai ală cau tàm mpồl in, bi Đức gam lơh bal tac ală bơta biap, kơnuh jat jơnau pơlam bơh Mpồl lơh broă bal dê ai làng bol tàm [òn lơgar in. Bơdìh mờ anih tac biap, kơnuh ai ală drà bơh sơn rờp in, 2, 3 siêu thị tàm lơgar, bi Đức bal mờ Mpồl lơh broă bal gam kơ lôi tus broă jòi drà kă bro tàm lơgar ndai.

Cau mblàng K’Duẩn