VOV4.K’ho – Mho òr 13/9, Mpồl lơh broă Bộ Tư pháp bơh Bộ trưởng Lê Thành Long lam bồ neh geh dơ\ lơh broă mờ kuang đơng lam bồ càr Daklak bè mut lơh kơnòl broă lơh tư pháp mờ mut ngui kơrnuat lơh glài dân sự 8 nhai nam 2017 mờ rơndap broă, kơnòl broă tàm tơngai tus.

8 nhai do, Daklak neh tơlik 79 sră nggal pơlam mut ngui adat boh lam, lơh bơnàng nàng đơng lam bơtàu tơnguh lơh sa mpồl bơtiàn bơh càr dê. Ală tiah neh bơyai lơh geh 1 rbô 600 dơ\ mblàng yal adat boh lam ai rlau 150 rbô dơ\ cau in; mut lơh dong kờl adat boh lam ai rlau 11 rbô broă gơlik geh in, bơyai tơr`a geh cồng nha rlau 1 rbô 200 broă gơlik geh tàm [òn lơgar.

Đơs tàm dơ\ lơh broă, Bộ trưởng Bộ Tư pháp Lê Thành Long sồr kuang đơng lam bồ càr sền gròi tơnguh jơnhua cồng nha atbồ dà lơgar tàm broă lơh bơto bơtê kuang bàng, bơto bơtê adat boh lam. Kuơ màng, kờ` pal geh bơta pơgồp bal krà` cê đah anih lơh broă tư pháp, anih lơh broă mut ngui kơrnuat lơh glài bơh anih cah rơ`a dê mờ Hội đồng nhân dân mờ Ủy ban nhân dân càr tu\ geh kơrnuat tơlik ală sră nggal pơlam mut ngui adat boh lam.