VOV4.K’ho - Mpồl  lơh broa\ bơh Bộ giáo dục mờ đào tạo neh lòt sền broa\ lơh rcang  dơ\ bơyai lơh pơrlòng jơh bơsram kấp 3 dà lơgar nam 2017 tàm càr Lâm Đồng.

Càr Lâm Đồng  tus tu\ do neh geh 36 anih pơr lòng, rlau 14.400 khà  kơnòm pơr lòng dan cih mat pơr lòng. Càr neh ai rlau 1.200 na\ cau kuang bơh hìu bơsram đại học Dà Làc, đại học Mở [òn dờng Hồ Chí Minh mờ Cao đẳng sư phạm Dà Làc geh lơh bal broa\ lơh  bơyai lơh pơrlòng mờ sở Giáo dục mờ Đào tạo Lâm Đồng.

 Mpồl lơh broa\ bơh Bộ giáo dục mờ đào tạo tơng kah, càr Lâm Đồng kờ` tơngguh broa\ ai bơsram git wa\ rlau tai bơta kuơ màng bơh dơ\ pơrjum do nàng  gàr niam broa\ lơh sền jơh tốt nghiệp,  rwah mờ tàm đại học, cao đẳng geh drờm bal, song dơpa\,  pal gàr niam dơ\ pơr lòng niam bơne\ ngan tus  ala\ cau pơr lòng mờ mè bèp ala\ oh. Lơh ngan ba` lời cau pơr lòng lơi kal ke pal sang pơr lòng, gàr niam ngap lơngai tus jơh ala\ broa\ lơh pơr lòng, pleh ờ  sền.

                                                                    Cau cih mờ yal tơnggit K’ Brọp