VOV4.K’ho – Ngai òr 26/01, Mpồl lơh broă bơh càr Dak Nông dê lòt còp mờ nting săp sa Tềp tàm ală mpồl lơh broă kuơ bal tàm ù tiah [òn drà Gia Nghĩa, càr Dak Nông, tàm hơ\ geh: Mpồl lơh sa kă bro is Kloh niam tiah ơm kis Nghĩa Hà; Mpồl lơh sa kă bro Ồs đèng Dak Nông mờ Mpồl lơh sa kă bro bal ai pà dà mờ Bơtàu tơnguh tiah drà Dak Nông. Tơnơ\ tu\ iat kuang bàng đơng lam ală anih lơh broă do yal dùl e\t bè broă lơh kung bè ală kal ke, mờ jơnau dan jơnau sồr bơh ală anih lơh broă do dê, mpồl lơh broă bơh càr Dak Nông dê neh jờng rơ ală lơh ngan mờ cồng nha lơh geh bơh ală anih lơh broă do dê tàm nam 2015. Di tàm dơ\ do, ồng Trần Xuân Hải kuang jat jơng atbồ Anih duh broă làng bol càr Dak Nông neh pà phan mờ nting săp sa Tềp tus mờ jơh ală kuang bàng, cau lơh broă tàm ală anih lơh broă do. Bơdìh mờ broă chờ wa\ rò sơnam pa, sa Tềp tềm pềr, ờdo ờdă mờ chờ hờp, ală anih lơh broă do kung kờn pal sùm lơh niam broă lơh nàng sền gàr kloh niam tiah drà, lơh geh tơl ồs đèng mờ dà ia drơng làng bol in chờ wa\ rò sơnam pa, sa Tềp.

Cau cih mờ yal tơngi\t- Lơ Mu K’ Yến