VOV4.K’ho - Ngai 30/01, tàm Gia Nghĩa, càr Dak Nông, Mpồl lơh broă bơh Gah Lơh broă sa mờ bơtàu tơnguh bòn lơgar dà lơgar dê geh dơ\ lơh broă mờ Anih duh broă làng bol càr Dak Nông bè broă rcăng lơh sră nggal Rơndăp broă lơh rơndăp ù tiah kơ\ kơl jăp làng bol ntrờn ơm kis khăt gơboh tàm ù tiah kơnhoàl Tuy Đức in. Tàm dơ\ lơh broă, mpồl lơh broă neh cih dờp ală lơh ngan bơh càr dê mờ pơrgon geh mhar dan mờ Gơnuar ătbồ lơgar bè lơh sră nggal Rơndăp broă lơh rơndăp ù tiah làng bol ntrờn ơm kis khăt gơboh. Jăt mpồl lơh broă, den kờn tơnguh jơnhoa cồng nha rơndăp broă lơh, càr pal lơh geh ală khà bè kơ\ kơl jăp rài kis, ờ lời gơlik jơnau yal yă jo\ jòng. Broă ai, kờp sền wơl ù ơm, ù lơh sa pal di khà, di cau geh cah, pal loh làng làng bol lơh tờm tàm bơta geh bơh sơn rờp gàr wơl bè ờs bơta geh ngan, pleh lơh tàm bơrlu\. Mơkung sồr càr Dak Nông pal crơng gơs mpồl lơh broă sră nggal nàng ătbồ làng bol ơm kis bơh yau dùl bă tiah. Càr kờn pal pơ gồp bal mờ ală càr geh làng bol ntrờn ơm kis  tus tam cah, kờp sền wơl cau, gi\t loh khà nàng rơ wah ală hìu làng bol mu\t tàm rơndăp broă lơh do.