VOV4.K’ho - Ngai òr (22/6),  pơnjat tai dơ\ lơh broa\ tàm càr Daknông, mpồl lơh broa\ bơh Gah lơh sa phan bơna dà lơgar bơh ồng Phạm Xuân Đương kuang jat jơng  atbồ  gah lơh broa\ sùm lơh sa dà lơgar lam bồ neh geh bùi lơh broa\ mờ mpồl đơng lam atbồ Đảng càr Daknông nàng git broa\ lơh bơtàu tơngguh lơh sa-mpồl bơtìan tơngai bơh nam 2016-2020 mờ broa\ lơh atbồ,  tơnhàu phan  kuơ geh is tàm ù tàm càr. Tàm bùi lơh broa\,  ồng Phạm Xuân Đương đơs la: Broa\ lơh bơtàu tơngguh lơh sa mpồl bơtìan tơngai bơh nam 2016-2020 bơh càr Daknông neh lơh jat ngan ala\ geh gùng bơtàu tơngguh lơh sa jat broa\ lơh kơrnuat pơrjum Đảng dùt lơgar dơ\ XII mờ pơrjum Đảng càr  dơ\ XI. Daknông kờ` pal sền gròi lơh pràn rơndap niam lơh sa phan bơna bal mờ tam gơl pa broa\ lơh jat gùng rwah, lơh ngan  ai cau lơh broa\ nàng lơh geh phan bơna geh kuơ pràn he dê bè alumin, kơphe, tiêu,  mờ nhơl chờ… Ala\ phan  lơh geh pal geh lơh mờ ma\y mok bè bơceh lơh ngan, bơtàu tơngguh  bơta kuơ lơh sa phan bơna.

                   Cau cih mờ yal tơnggit K’ Brọp