VOV4.K’ho-Mho ngai 03/02, Mpồl lơh broă bơh Mpồl đơng lam Dà lơgar rcang sơn dră kòp Covid-19 bơh Thứ trưởng Bộ Y tế  ồng Đỗ Xuân Tuyên lơh Kuang atbồ mpồl neh geh dơ\ lơh broă mờ Mpồl đơng lam rcang sơn dră kòp Covid-19 tàm càr Gia Lai bè lam lơh broă lơh rcang sơn dră kòp Covid-19 tàm ù tiah càr dê. Gia Lai geh cau bơ tờp mờ virus Sars-CoV-2  sơn rờp bơh ngai 29/1/2021, bơ tờp bơh tiah Hải Dương. Kờp tus klo ngai, ngai 03/02/2021, càr neh geh 14 nă cau bơ tờp mờ Sars Cov -2 tàm  5 tiah là Ia Pa, Phú Thiện, Krông Pa, thị xã Ayun Pa, [òn dờng Pleiku. Mpồl đơng lam pơn jat tai kờp sền gùng dà broă lơh mờ rcang lài nùs nhơm ua\ rlau tàm broă rcang sơn dră kòp. Tàm dơ\ pơrjum, ală kuang bàng tàm mpồl lơh broă là kuang bàng jak chài gah lơh sơ nơm dê neh đơs mờ tam pà bal ua\ broă lơh ai tơlik nàng gờ` kơryan kòp Covid-19, ba` lời kòp bơ tờp ua\ tiah tàm càr.

Đơs tàm dơ\ lơh broă, Thứ trưởng Bộ Y tế ồng Đỗ Xuân Tuyên tam pà bal mờ ală bơta kal ke bơh càr Gia Lai dê, mơ kung sồr mut lơh wơl ală broă lơh rcang sơn dră kòp gùt càr, jơh bal tàm ală tiah ờ hềt geh kòp, rcang lài ală gùng dà broă lơh rcang lài tu\ geh cau kòp bơ tờp tàm mpồl bơtìan den mut ngui  tơn. Sơr mbăc mhar jòi g^t tiah lòt rê cau F1 dê, pal lơh mhar broă xét nghiệm ai cau F1 in lài mờ ală cau F2 geh bơta digơlan bơ tờp kòp.

Cau mblàng K’ Hạnh