VOV4.K’ho – Ngai òr 17/04, Mpồl lơh broă bơh mpồl đơng lam Tây Nguyên bơh mò H’ Ngăm Niê Kdăm kuang jat jơng atbồ Mpồl đơng lam Tây Nguyên, lam bồ neh geh dơ\ lơh broă mờ Anih duh broă làng bol càr Dak Nông bè broă mut lơh ală rơndap broă ntrờn làng bol ơm kis khat gơ boh tàm càr. Đơs tàm dơ\ lơh broă, mò H’ Ngăm Niê Kdăm neh cih dờp broă lơh ngan bơh càr dê mờ hơ geh yal ală jơnau dan bơh Anih duh broă làng bol càr Dak Nông dê nàng dan mờ gơnoar atbồ lơgar bè crơng gơs rơndap broă ntrờn làng bol ơm kis khat gơboh. Bè đah càr, Mpồl sồr pal tơnguh kơnòl atbồ dà lơgar tus mờ ală hìu nhă ntrờn ơm kis khat gơboh, kung bè dờp git ală rơndap broă lơi kuơ màng nàng bơcri mut lơh, pleh bơta bơcri rah rài, lơh gơbàn hoàc huơr priă bơcri mơya cồng nha lơh geh ờ uă. Broă pơgồp bal priă bơcri bơh ală broă lơh ndai nàng bơcri tus mờ rơndap broă ntrờn ơm kis khat gơboh kung pal geh càr sền sơ wì, rơndap tap sèng dipal.                                                                                                                                                                                                                                                                                                    Cau mblàng K' Duẩn.