VOV4.K’ho – Ngai òr 16/6, Mpồl lơh broă bơh Mpồl đơng lam Tây Nguyên bơh ồng Trương Văn Tỵ kuang atbồ gah lơh broă kòn cau mờ bơta jat yàng lam bồ neh geh dơ\ lơh broă mờ Anih duh broă làng bol càr Daknông.

            Đơs tàm dơ\ lơh broă, ồng Trương Văn Tỵ neh đơs niam ngan ală lơh ngan bơh càr Daknông dê tàm broă mu\t lơh ală gùng dà broă lơh mờ kơ\ kơl jăp làng bol ntrờn ơm kis khat gơboh tàm ù tiah càr tàm tơngai lài; mơkung cih dờp ală jơnau đơs tă pơgồp jơnau dan jơnau sồr bơh càr Daknông dê nàng yal mờ Kuang gơs gơnăp gơnoar atbồ hơđang rlau jơh dà lơgar in tàm tơngai tus. Mơkung sồr càr Daknông kờn pal sồr ală kơnhoàl mờ ală tiah kờp sền wơl jơh ală cau geh dờp bơta dong kờl bơh rơndăp broă lơh dong kờl tus tơngai do dê, nàng geh bơta lơh wơl gơ in di cau, mờ di broă, geh kuơ bơh broă lơh dê. Gơ wèt mờ broă mu\t lơh kơ\ kơl jăp làng bol ntrờn ơm kis khat gơboh, càr pal ring bal sac rwah ală rơndăp broă lơh pal kuơmàng ngan, kờn pal geh ngan, ờ suk ngan nàng yal mờ Kuang gơs gơnăp gơnoar atbồ hơđang rlau jơh dà lơgar in, tàm nùs nhơm “làng bol kơlôi rơcang is là tờm mờ dà lơgar geh bơta dong kờl”. Càr kung kờn pal pơn jat tai lơh sră nggal jàu ù lơh sa, ù ơm ai ală tiah rơndăp broă lơh, ală anih làng bol ntrờn ơm kis khat gơboh tus kung bè gờn sền gròi dong kờl crơng gơs ală [òn mờ mpồl kuang bàng atbồ sền gàr is tàm ală anih làng bol ntrờn ơm kis khat gơboh…

Cau cih mờ yal tơngi\t- Lơ Mu K’ Yến