VOV4.K’ho – Drim òr 18/3, mpồl lơh broă mpồl lam sồr làng bol dà lơgar bơh ồng Nguyễn Lam, kuang jat jơng atbồ mpồl lam sồr làng bol dà lơgar lơh kuang atbồ mpồl neh geh dơ\ lơh broă mờ mpồl đơng lam Đảng càr Daklak bè bơta lah yă gơ rềng tus ù tiah mờ tơnhàu phan kuơ geh is tàm càr.

Jat jơnau yal bơh mpồl đơng lam Đảng càr Daklak dê, nam 2015, ală kơnă, ală gah broă lơh tàm càr neh dờp geh rlau 4 rbô sră yal yă, jơnau dan, jơnau đơs, lah yă gơ rềng tus ù tiah. Tàm hơ\ geh 173 sră yal yă di gơnoar bơsong càr dê. Càr neh bơsong jơh 157 broă lah yă. Mơya bơta lah yă gơ rềng tus ù tiah tàm kơnă [òn lơgar kung gam gơlik geh kal ke, ngan là tàm ală anih suơn dờng lơh sa suơn sre, chi brê. Cih dờp ală cồng nha mờ càr Daklak lơh geh, đơs ală bơta ờ niam pal geh bơsong, ala mat mpồl lơh broă, ồng Nguyễn Lam sồr: “ Tàm tu\ mut lơh ală rơndap broă, rơndap ù tiah, tơn lời lơh broă anih sưon dờng lơh sa suơn sre, chi brê jat rơndap broă lơh bal Đảng, gơnoar atbồ lơgar dê pal geh bơta pơgồp bal bơh ală mpồl lòt sền, lùp sền làm gah bơh gah lơh broă gơnoar atbồ lơgar dê nàng dong càr bơsong jơh ală broă do, do là bơta mờ bol he pal sền gròi. Mơya broă lơh cribơyai mờ làng bol kung là dùl bơta pal sền gròi nàng bol he gơtùi geh bơta ringbal bơh làng bol dê tàm tu\ bol he mut lơh ală kơnòl, ală broă lơh he dê dùl bă geh cồng nha ngan rlau jơh.”

                                               Cau cih mờ yal tơngit K’ Duẩn.