VOV4.K’ho – Drim òr 21/12, tàm hìu lơh broă Gah sền gàr dà lơgar tàm Hà Nội, mpồl lơh broă dong broă dà lơgar mờ mpồl đơng lam Đảng ling klàng dà lơgar bơyai lơh ki\ kơrnuat pơgồp bal lơh broă. Tàm dơ\ bơyai lơh, Đại tướng Ngô Xuân Lịch đơs loh, broă lơh dong broă mờ rơcang sơndră sa kuề sa kùa bơh ling klàng dê tàm ală nam do neh lơh geh ală cồng nha kuơ màng, ngan ngồn là 1 tàm ală bơta pràn pơn jờng dờng màng, pơgồp bơnah bơt bơtàu mpồl Đảng ling klàng pràn kơldang bè gùng dră bal, nùs nhơm, bơyai lơh mờ ơnà lơh broă; bơt bơtàu ling klàng ngai sơlơ dờng pràn. Dơ\ ki\ kơrnuat pơgồp bal đơs tờm bơta git gơp tam klac, pơgồp bal krà` cê đah mpồl đơng lam Đảng ling klàng dà lơgar mờ ală mpồl, gah, sơnah lơh broă dà lơgar đơs bal mờ mpồl lơh broă dơlam is dà lơgar đơs is. Do là tềl kuơ màng ngan tàm broă kơlôi sơnơng, cribơyai, ai tơlik broă lơh tus mờ mpồl đơng lam Đảng dà lơgar, Gah gùng dră bal dà lơgar, mpồl atbồ Đảng, mpồl đơng lam dà lơgar bè rơcang sơndră sa kuề sa kùa, mơkung tơnguh bơta niam, cồng nha broă đơng lam, pơlam, sền gròi, chul chồl broă mut lơh gùng dà, broă lơh bơh Đảng, kơrnuat boh lam, bơta dong kờl bơh dà lơgar dê bè broă lơh dơlam is, rơcang sơndră sa kuề sa kùa mờ broă lơh ling klàng, sền gàr dà lơgar.

                                                                Cau cih mờ yal tơngit K’ Duẩn.