VOV4.K’ho - Uă nam do, mpồl lơh boă nùs nhơm is sơnah [òn Tân Tiến, [òn dờng Buôn Ma Thuột, càr Dak Lak neh đong kờl rơlao 10 nă cau ngir ma tuý tơrgùm rê wơl mờ mpồl bơtiàn. Bơh tu\ hơ\, geh pơgồp bal mờ gơnoar atbồ tàm do sền gàr niam ờ do ờ dă mpồl bơtiàn, tơn jơh jơgloh, tơmù rơ[ah.  

Tàm ală nam lài, mpồng hìu ồng Sơn Siển, tàm [òn 4, sơnah [òn Tân Tiến, [òn dờng Buôn Ma Thuột tu\ lơi kung til sùm, nùs nhơm tàm hìu nhă ờ su\k ơm ngan. Ală bơta do là tài Sơn Lâm, kòn klao pa tào pơnu ồng dê sơbì bơsram jăt bơyô ờ niam, gơtìp ngir ma tuý. Ồng Sơn Siển pà g^t: Kal ke mờ ală dơ\ ngir, pal jòi tơl ală bơta kờ` geh priă blơi ma tuý, den tàng Sơn Lâm neh 2 dơ\ gơtìp ku\p tài kơ`ao phan cau. Mu\t jàm tài gơtìp tìs, mơya Lâm kung ờ jai sơlèt mờ broă tơhìr bơh ma tuý. Tus nhai 8 nam 2010, tài kơnờm mờ broă lơh ngan, bal mờ broă sền gròi, dong kờl jơh nùs bơh mpồl ơruh pơnu lơh broă nùs nhơm is mpồl bơtiàn sơnah [òn Tân Tiến dê mờ cau lam bồ là bi Nguyễn Văn Tần, 5 nam do, Lâm neh jơh ngir ma tuý, lơh ngan kis kờ` gơs cau niam. Ồng Sơn Siển đơs: “Lài do, Sơn Lâm gơtìp ngir ma tuý, tìs jàm den tàng hìu nhă a` uă tu\ gơtìp ờ jai tơn, mơya tài kơnờm mờ mpồl lơh broă nùs nhơm is sơnah [òn tàm hơ\ uă ngan là bi Tần tus lam sồr hơ\ sồng Lâm ơ\t sơbì ma tuý mờ rê lơh ngan lơh sa wơl do là bơta gơboh gơbài ngan tàm hìu nhă a` dê”.

Sơn Lâm mìng là 1 tàm g^t nđờ 10 nă cau geh mpồl ơruh pơnu lơh broă nùs nhơm is sơnah [òn Tân Tiến tus dong kờl klàs mờ ngir ma tuý tàm 7 nam do. Mơya, kờ` geh cồng nha do là broă lơh ngan ờ ngòt glar bòl bơh 7 nă cau tàm mpồl bal mờ broă dong kờl bơh hìu nhă cau gơtìp ngir dê bal mờ mpồl bơtiàn. Bi Nguyễn Văn Tần pà g^t: ală cau gơtìp ngir sùm khin bơrna`, ờ nền nòn. Geh cau den ngòt [às sìl. Den tàng kờ` kơrian ală cau do, ală cau lơh broă nùs nhơm is pal lơh jăt kơrnoăt là, lơh sùm, đềt mềr, ba` tam cah is mờ sền ờ sơ\p, pal tus tam pà bal. Rơlao mờ hơ\ tai, kờ` ală cau tơnơ\ mờ tu\ neh ơ\t ngir mù màl mờ ma tuý, bơta kuơ màng ngan gam là ai ală cau do in geh broă lơh, rơdăp ai ală cau do in geh broă lơh di pal. Bi Nguyễn Văn Tần đơs: “Tus pơlam sồr uă ngan sùm mờ ală bơyô tu\ neh ơ\t ngir là hìu nhă, mpồl bơtiàn kờ` geh 1 bơta pràn, nùs nhơm pin dờn kờ` rê wơl mờ rài kis mpồl bơtiàn den he kung ai tơl^k uă rơndăp broă kờ` ai tơl^k ală bơyô in kờ` ală bơyô geh bơsram bal mờ rê lơh ală broă gơtùi ròng is să tòm, bơh tu\ hơ\ geh tơnguh rài kis nùs nhơm ală cau do in niam rơlao”.

Bơh tàm ală nùs nhơm kơlôi sơnơng hơ\, mpồl lơh broă nùs nhơm is sơnah [òn Tân Tiến neh tus bal mờ ală hìu bơto broă lơh, hìu lơh broă kờ` cau lơh broă nàng ală cau tơnơ\ mờ tu\ neh ơ\t ngir gơtùi bơsram, lơh broă. Tus tu\ do, neh geh 16 nă cau tơnơ\ mờ tu\ neh ơ\t ngir geh broă lơh, mờ geh di pơgăp 3 tơlăk priă tàm 1 nhai. Bơh tàm priă càn dong kờl ơruh pơnu mu\t lơh broă mpồl ơruh pơnu càr Dak Lak dê, 2 nam do, mpồl lơh broă nùs nhơm is neh hòi jà geh rơlao 50 nă cau gơtìp tìs, crơng gơs 2 hìu tà` kơl dung bơkào, ròng 200 nơm iar, 20 nơm jơrke mờ tam 400 tòm bơkào tăc tàm satềp. Bơh tàm ală broă lơh mùl màl do neh lơh uă cau gơtìp ngir bơh tàm tu\ ờ gơtùi lơh broă bal neh tus jòi is ală cau tàm mpồl mờ lơh ngan ơ\t ma tuý. Chờ hờp rơlao tai là tu\ geh uă cau tơnơ\ mờ tu\ neh lơh ngan ơ\t ngir ma tuý den neh dan tus bal mờ mpồl lơh broă nùs nhơm is kờ` dong kờl ală cau neh gơtìp ndrờm bal mờ să tòm dê sơl. Tàm hơ\ geh pơnrơ ngan là bi Nguyễn Mai Đình, kis tàm [òn 2, sơnah [òn Tân Tiến. Bi Đình là cau neh gơtìp ngir ma tuý tàm 3 nam, nam 2013, tài kơnờm mờ broă lam sồr, dong kờl bơh ală cau tàm mpồl lơh broă nùs nhơm is do dê, den tàng bi neh lơh ngan sơlèt mờ ngir ma tuý kờ` tơrgùm bal tàm rài kis. Bi Nguyễn Mai Đình pà g^t: “Bơdìh mờ broă ta` kơl dung bơkào, a` gam geh lam sồr tai ală cau gùt dar neh gơtìp ngir lài do sền wơl să tòm kờ` klàs kung bè a` dê sơl. Bu\ lah geh ờ uă ngan, mơya a` kung gam lam sồr, lam sồr sùm di gơlan geh 1 ngai lơi, ală cau do geh kơlôi wơl mờ geh rài kis niam rơlao”.

Bơdìh mờ broă pơlam, dong kờl ală cau ngir ma tuý mờ tơnơ\ mờ tu\ neh ơ\t ngir, ală cau tàm mpồl gam rơcang tìp mờ ală cau di gơlan gơtìp ngir uă kờ` lam sồr bè ală bơta aniai bơh ma tuý dê. Bơh tu\ hơ\, geh pơgồp bal tàm broă tơmù gơl^k geh cau ngir pa. Broă lơh mpồl lơh broă nùs nhơm is sơnah [òn Tân Tiến dê neh mờ gam pơgồp bal tàm broă kơrian mờ tơmù cau gơtìp ngir ma tuý, gàr niam bơta lơngăp lơngai [òn lơgar. Ồng Trần Anh Đức, kuang jăt jơng atbồ anih duh broă làng bol sơnah [òn Tân Tiến đơs: “Mpồl ơruh pơnu lơh broă nùs nhơm is lơh ală broă lơh niam ngan, ală broă kơrian ală cau tu\ neh ơ\t ngir ma tuý gơtùi tus bal mờ rài kis mpồl bơtiàn kờ` drơng bal tàm broă lơh sa, tơnguh bơtàu broă lơh sa mờ hu^ rơhời bè ma tuý. Hơ\ là broă lơh pal geh tơnguh uă”.

Dong kờl cau ngir sơbì ma tuý, tus bal tơrgùm mờ mpồl bơtiàn là broă lơh kal ke ngan, mơya mờ nùs nhơm jăk chài, lơh broă tài mpồl bơtiàn, g^t iăt mờ lơh ngan bơh ală cau lơh broă nùs nhơm is dê, mpồl lơh broă nùs nhơm is sơnah [òn Tân Tiến, [òn dờng Buôn Ma Thuột, càr Dak Lak geh pơgồp bal kuơ màng ngan, là mpồl lơh broă ờ gơtùi ờ geh tàm broă dong kờl cau ngir ma tuý in ơ\t mờ tus tơrgùm bal mờ rài kis mpồl bơtiàn.

        Cau cih mờ yal tơng^t Ndong Brawl