VOV4.K’ho - Mho òr (11/9), mpồl lơh broă sồ 2 bơh mpồl đơng lam dà lơgar bè broă sơndră mờ sa kuề sa koà neh geh dơ\ lơh broă mờ càr Lâm Đồng bè cồng nha sền gròi, lam sồr broă sơndră mờ sa kuề sa koà tàm càr do. Đơs tàm dơ\ tơn jơh dơ\ lơh broă, ồng Phan Đình Trạc, kuang jăt jơng atbồ mpồl dong broă dà lơgar mờ là kuang jăt jơng atbồ mpồl kuang bàng lơh broă sồ 2 mpồl đơng lam Đảng dà lơgar bè broă sơndră mờ sa kuề sa koà neh đơs, cồng nha broă tam dră mờ sơndră mờ sa kuề sa koà, hoàc huơr càr Lâm Đồng tàm tơngai do geh lơh jăt niam tàm broă sơndră mờ lơh glài nền nòn. Bu\ lah bè hơ\, kờ` broă sơndră mờ sa kuề sa koà càr Lâm Đồng pal pơn jăt tai tơnguh ală cồng nha neh geh, tơnguh rơlao tai broă đơng lam, lam sồr, tàm hơ\ uă ngan là broă rơcang sơndră lài: “Lơh jăt broă sơndră, lài ngan là pal ndrờm bal, loh làng tàm broă lơh anih lơh broă, mpồl lơh broă mờ tàm broă sền gròi phan bơna bơh ală kuang bàng. Pơn jăt tai bơ\t bơtàu ală kơrnoăt bè sền gàr lơh sa-mpồl bơtiàn tàm càr, mùl màl jơh ală kơrnoăt dà lơgar. Bè broă lơh glài pal geh 4 jơnau kờ`: di tu\, nền nòn, di mờ kơrnoăt adăt boh lam, drơng kơnòl gùng dră bal càr dê mờ gùt lơgar dê”.

                                              Cau cih mờ yal tơng^t Ndong Brawl