VOV4.K’ho – Drim òr 03/02, tàm Hà Nội, Mpồl lơh broă sùm Anih duh broă gah tề lam gùng dră bal dà lơgar Việt Nam bơyai lơh pơrjum pờ tơn tàm internet gùt lơgar pơlam broă lơh te\ khà pồ kuang bàng Gơnoar ala mat dà lơgar kơnă XIV mờ pồ kuang bàng Mpồl duh broă ala mat làng bol ală kơnă tơngai lơh broă bơh nam 2016- 2021. Tàm dơ\ pơrjum, Anih duh broă gah tề lam gùng dră bal dà lơgar Việt Nam sồr gah tề lam gùng dră bal dà lơgar Việt Nam ală kơnă kờn pal lơh jat bơta đơng lam bơh Anih duh broă đơng lam Đảng dê, pơgồp bal niam mờ Mpồl lơh broă sùm Mpồl duh broă ala mat làng bol, Anih duh broă làng bol, Anih duh broă te\ khà tiah he dê nàng lơh tơl jơh gơnoar mờ kơnòl bơh gah tề lam gùng dră bal dà lơgar Việt Nam dê tus bal dơ\ te\ khà. Kuơmàng broă lơh pơrjum cribơyai yal tơngi\t mat ală cau geh tơl khà nàng tơlik mat te\ khà. Do là jơnau kuơmàng ngan tàm ală tu\ lơh sră cih mat ală cau tơlik mat te\ khà, kờn geh tơl bè khà cau, cồng nha, rơndăp tăp sèng, bơnah kuang bàng, kuơmàng là pơnrơ jak ngan bè bồ tơngoh, nùs nhơm ala mat ai làng bol in, pal lơh tờm, ring bal, di mờ adat boh lam, ờdo ờdă, tềm pềr, mờ ngan ngồn là ngai chờ bơh jơh gùt làng bol dê. Mpồl kuang atbồ Anih duh broă gah tề lam gùng dră bal dà lơgar Việt Nam geh bơyai lơh pơrjum cribơyai dơ\ dùl tàm Dà lơgar tàm ngai 16/02 tus do.

Cau cih mờ yal tơngi\t- Lơ Mu K’ Yến