VOV4.K’ho - Sùm tàm nđờ nam do, khà priă bơ sơt kau su gơmù lơyah lơh ală mpồl lơh sa kă bro, mpồl tam kau su gơtìp kal ke. Rài kis làng bol, công nhân kau su kung gơtìp aniai uă ngan. Bulah bè hơ\ tàm ală mpồl lơh sa di Binh đoàn 15, gah sền gàr dà lơgar, làng bol lơh broă sa, công nhân kung gam rềp mềl ngan mờ tờm kau su, pơ gồp bal bơta pràn mờ ală cau ling lơh sa, bal mờ gơp sơr lèt gan kal ke:

Làng bol kòn cau Jarai tàm [òn Ghè, ntum tiah nhàr dà lơgar Ia Dơk, kơnhoàl Đức Cơ, càr Gialai mut lơh công nhân kau su tàm mpồl lơh sa kă bro 74, Binh đoàn 15 tus tu\ do neh tòm 20 nam. Ồng Kpuih Dyom, cau kra [òn pà git, bơh ù gời, ù brê neh klàr, tềng đap bơta pơlam bơh cau ling dê, làng bol neh bơt bơtàu gơs ală suơn kau su tơlir niam. Kung kơnờm tờm kau su, kơnờm priă lơh geh uă mờ kơljap sùm, rài kis làng bol tàm [òn do neh tam gơl uă ngan. Hơ\sồng bơh priă tềm pềr tàm broă lơh công nhân kau su, làng bol geh tai priă jền nàng bơcri tam kơphe, tiêu. Tus tu\ do, uă hìu tàm [òn neh lơh geh hìu ơm dờng niam ngan, rài kis bơtàu tơnguh. Ồng Kpuih Dyom đơs: “ Bơh ngai làng bol mut lơh công nhân kau su mờ Binh đoàn 15 den làng bol ờ gam kơlôi rơcang tus bơta jơgloh, rơbah tai. Cau ling dong làng bol lơh sa, bơdìh mờ lơh công nhân kau su den làng bol gam tam kơphe, tam tiêu tai. A` ala mat làng bol tàm [òn ưn ngài ling Binh đoàn 15 uă ngan.”

Jơh jơgloh, tơmù rơbah, rài kis tam gơl kơnờm tờm kau su, kơnờm cau ling den tàng làng bol [òn Ghè kơ\ nùs pin dờn, rềp mềl mờ mpồl lơh sa kă bro, mờ Binh đoàn 15 bulah sùm tàm nđờ nam do khà priă bơ sơt kau su gờmu lơyah, priă lơh geh kung gơmù bal sơl. Bi ùr Rahlan H’Blơn, ơm tàm [òn Ghè, công nhân kau su mpồl lơh sa kă bro 74 pà git, kờp tus bi ùr là rơnàng dơ\ 2 tàm hìu nhă lơh công nhân mờ Binh đoàn 15 mờ bi ùr lơh công nhân tus tu\ do geh 6 nam. Pơgap 3, 4 nam do, priă nhai lơh công nhân bi ùr dê gơmù, mơya kung gam tàm khà bơh 4 tus 5 tơlak tàm 1 nhai. Tàm tu\ khà priă bơ sơt kau su gơmù lơyah, rlau mờ cau lơi jơh, bi ùr pal sơlơ lơh ngan lơh broă bal mờ mpồl lơh sa kă bro nàng sơrlèt gan kal ke. Bi ùr Rahlan H’ Blơn đơs: “ Lài do ờ hềt mut lơh công nhân kau su den rài kis hìu nhă bol a` dê gơtìp uă ngan kal ke. Bơh tu\ mut lơh còr bơ sơt kau su den rài kis hìu nhă bol dê neh ờ huan kal ke tai Tàm tơngai do, sơlơ kal ke den bol a` pal sơlơ lơh ngan, lơh bè lơi nàng geh cồng nha, nàng gơtùi sơr lèt gan kal ke tu\ do, tă pơ gồp bal bơta pràn, dùl nùs bal mờ mpồl lơh sa kă bro nàng bơtàu tơnguh pràn rlau tai.”

Ồng Rơmah Thin, kuang atbồ đơng lam Đảng ntum Ia Dơk, kơnhoàl Đức Cơ pà git, ntum geh 2 [òn tus bal lơh công nhân kau su mờ Binh đoàn 15 là [òn Ghè mờ [òn Đo, mờ mờr 300 nă công nhân. Bulah khà priă bơ sơt kau su gơmù lơyah mơya priă lơh geh, rài kis làng bol dê kung gam tơl niam. Mờ cồng nha tàm broă bơtàu tơnguh lơh sa gơ jat bal mờ gàr tơl niam rài kis mpồl bơtiàn, sền gàr ngap lơngai, sền gàr dà lơgar bơh Binh đoàn 15 dê, ồng Rơmah Thin đơs là, Binh đoàn pal rề ơnàng tai bă ù tam kau su halà chi tam ndai nàng geh uă tai cau tàm tiah nhàr lơgar mut lơh công nhân. Ồng đơs: “ Khà priă bơ sơt kau su gơmù den Binh đoàn, mpồl lơh sa kă bro kung dong kờl ai làng bol càn anih pră jền nàng làng bol tơm, nàng làng bol geh broă lơh. Kơp kờ` bơh a` dê bè do, tàm do geh 13 [òn, khà kờp làng bol rlau 2 rbô hìu nhă, rlau 8 rbô nă cau. A` kơp kờ` mpồl lơh sa kă bro pơnjat tai geh ală rơndap broă tam phan pa. Mpồl lơh sa kă bro mờ Binh đoàn 15 ai geh bơta [uơn tai nàng làng bol geh broă lơh, bơtàu tơnguh rài kis.”

Mpồl lơh sa kă bro 74 tu\ do geh mờr 50% công nhân là cau kòn cau tàm khà mờr 3 rbô 400 nă kuang bàng, cau lơh broă. Đal git ală bơta lòng tàm tơngai tu\ do, mpồl gam lơh ngan mut lơh uă broă lơh nàng sơr lèt gan kal ke, sền gàr bơhìan mpồl lơh broă khin cha jak chài. Trung tá Nguyễn Mạnh Cường, kuang atbồ đơng lam Đảng mpồl lơh sa kă bro 74 pà git: “ Tềng đap ală kal ke den mpồl đơng lam Đảng, mpồl atbồ mpồl lơh sa kă bro neh ai tơlik uă broă lơh, kờ` đơng lam mpồl lơh sa kă bro lơh broă kơ\ mờ bơtàu tơnguh. Bè lơh niam broă bơto bơtê, mblàng yal, lam sồr kuang bàng, công nhân, cau lơh broă mờ ală broă lơh ngan ngồn, bè lơh niam broă lam sồr làng bol, dờp lơh oh mi, kuơ màng là broă lơh tam klac hìu nhă. Tềng đap bơta gơlik geh kal ke bơh khà priă tàm drà kă bro, mpồl lơh sa kă bro mut lơh uă broă lơh kờ` tơmù dimơ priă bơcri lơh broă, tơnguh cồng nha lơh broă, tơmù priă phan bơna lơh gơs.”

                      Cau cih mờ yal tơnggit K’ Duẩn.