VOV4.K’ho – Drim òr 17/12, Anih duh broă làng bol càr Dak Lak pơgồp bal mờ Mpồl lơh sa kă bro dờng Viễn thông MobiFone bơyai lơh Dơ\ lam lơh Broă lơh sền gàr tơl niam rài kis mpồl bơtiàn mờ bơtàu tơnguh mpồl bơtiàn nam 2016. Mpồl lơh sa kă bro dờng Viễn thông MobiFone geh pà 1100 bơnah priă dong kờl bơsram (tơl bơnah là 1 tơlak priă) ai kơnòm bơsram r[ah sơrlèt gan kal ke bơsram jak tàm 47 hìu bơsram kai III tàm ù tiah càr Dak Lak dê. Mpồl lơh sa kă bro dờng do geh lơh broă lơh kis gi\t jơnau gi\t adat bơh broă lơh “Hìu ơm MobiFone”, pà 5 nơm hìu bơta nđàc (tơl nơm hìu geh lơh jơh 80 tơlak priă) ai Mè Việt Nam khin cha jak chài, hìu bơnhă cau ling sồt să, cau ling kòp tê jê să, cau ling chơ\t màng, cau geh màng mờ dà lơgar gam gơtìp kal ke tàm càr. Ồng Nguyễn Hải Ninh kuang jat jơng atbồ Anih duh broă làng bol càr Dak Lak, đơs: Mpồl lơh sa kă bro dờng Viễn thông MobiFone dong kờl dùl broă lơh kờp mờ priă jơh ală là 1 tơmàn 500 tơlak. Hơ\ là nùs nhơm tơngo\ bơta sền gròi dong kờl mờ geh kơnòl bơh mpồl lơh sa kă bro dê tus mờ mpồl bơtiàn, ngan là tiah làng bol kòn cau kal ke bè càr Dak Lak.

Cau cih mờ yal tơngi\t- Lơ Mu K’ Yến