VOV4.K’ho-  Drim òr (07/7), tàm càr lơgar Phnôm Pênh, lơgar Campuchia neh lơh dơ\ sơn đờm mut lơh broă Ngân hàng Em-pờ-rờ (Emperor), ngân hàng bơh dùl mpồl lơh sa kă bro Việt Nam dê bơcri priă mờ lơh Chủ tịch hội đồng quản trị.

            Thống đốc Ngân hàng dà lơgar Campuchia jàu sră dờp lơh broă ai Ngân hàng Emperor in

Đơs tàm dơ\ mut lơh, ồng Om Visal, Kuang atbồ đơng lam Ngân hàng Emperor đơs là: drà kă bro geh bơta kơ\p kơnờm bơtàu tơnguh niam mờ geh bơta tàm pơr lòng uă tàm lơgar Campuchia, Ngân hàng Emperor geh tơrgùm bơcri priă, ngui công nghệ priă jền (fintech) pa mờ broă lơh tam gơl pa, bơceh pa, ờ do ờ dă, nàng tơnguh cồng nha lơh broă, lơh geh bơta pin dờn gơ wèt mờ tơl nă năc in.

Tàm ală nam pa do, khà priă bơcri mờ priă lơh geh bơh broă kă bro 2 gah đah Việt Nam mờ Campuchia sùm gơguh, nam 2018 tam gơl kă bro 2 lơgar lơh geh 4 tơmàn 700 tơlak dokar Mỹ, gơguh 23,5% pơn ndrờm mờ nam 2017. Ngân hàng Emperor mut lơh broă geh kơ\p kơnờm ai tơl bơta buơn boài ai ală cau bơcri priă mờ mpồl lơh sa kă bro bơh 2 lơgar Việt Nam mờ Campuchia in lơh pràn lơh broă bal.

Cau mblàng K’ Hạnh