VOV4.K’ho – Drim òr 11/5, tàm Hà Nội, Mpồl mblàng yal gùng dà broă lơh dà lơgar bơyai lơh Pơrjum cau mblàng ală Mpồl đơng lam Đảng càr, [òn dờng, mpồl đơng lam Đảng gơ wèt Dà lơgar tiah đah tô nhai 5 nam 2016 kờn yal bè broă gơlik geh tàm tơngai rềp ndo kung bè bàr pe bơta geh mpồl bơtiàn sền gròi. Yal bè “Kơnòl broă rơndăp tăp sèng wơl rài lơh sa bơh dà lơgar dê tàm tơngai bơh nam 2016- 2021 jat jơnau cih tàm Kơrnoat Pơrjum dờng dơ\ 12 bơh Đảng dê; Gùng dà broă lơh, mờ kơnòl broă tơlik tus mờ ală càr, [òn dờng tàm tơngai tus”, ồng Nguyễn Đình Chung kuang atbồ Viện kơlôi sơnơng atbồ Lơh sa dà lơgar, pà gi\t: bơh 30 nam tam gơl pa, dà lơgar he neh lơh geh cồng nha dờng ngan. Bơh dùl lơgar lơh sa geh priă jền dùl e\t ngan, Việt Nam neh gơ gơs là lơgar gam bơtàu tơnguh lơh sa geh priă jền di mơ, GDP kờp bal dùl nă cau geh 2150 dolar Mỹ. Rơndăp tăp sèng wơl rài lơh sa tàm tơngai bơh nam 2016- 2021 gơ cèng broă lơh dờng jo\ jòng bal mờ ală broă lơh tờm kuơmàng ngan, là: Pơgồp bal geh cồng nha bơtàu tơnguh uă mờ geh cồng nha, jat ngui bơta jak chài măy mok mờ bơceh pa...

Cau cih mờ yal tơngi\t- Lơ Mu K’ Yến