VOV4.K’ho- Mho òr 28/6, Mpồl mblàng yal gùng dà broă lơh di Mpồl đơng lam Đảng càr Daknông bơyai lơh Pơrjum tàm jàu broă lơh jak chài mờ bơto bơtê 6 nhai bồ nam mờ mu\t lơh kơnòl broă 6 nhai lồi nam 2016; sền wơl 3 nam mu\t lơh Kơrnoat pơgồp bal đah Mpồl mblàng yal gùng dà broă lơh ală kơnă mờ ală anih lơh broă atbồ dà lơgar gơ wèt broă lơh jak chài mờ bơto bơtê. Jat jơnau đơs, tơngai lài, Mpồl mblàng yal gùng dà broă lơh ală kơnă neh pơgồp bal mờ ală anih lơh broă, atbồ dà lơgar gơ wèt gah mblàng yal gùng dà broă lơh mu\t lơh geh cồng nha kơnòl broă dong broă ai mpồl đơng lam Đảng ală kơnă in tàm tu\ mu\t lơh, lơh jat ală kơrnoat, kơrnoat sồr, jơnau đơs pơndu\t bơh dà lơgar, bơh càr dê gơ rềng tus broă lơh jak chài mờ bơto bơtê. Cồng nha sră nggal dong broă ai ală mpồl đơng lam Đảng ală kơnă in tàm broă đơng lam, atbồ, yal sền wơl bơh sơn rờp, mờ tơn jơh ală kơrnoat sồr, kơrnoat bơh Dà lơgar, càr mờ kơnhoàl dê tàm broă jak chài mờ bơto bơtê geh sơlơ gơguh uă tai. Tơngai tus, Mpồl mblàng yal gùng dà broă lơh ală kơnă, ală gah sơnah lơh broă, anih lơh broă atbồ dà lơgar gơ wèt gah jak chài mờ bơto bơtê pơn jat tai kơlôi sơnơng, bơsram mờ lơh jat niam ală kơnòl broă, broă lơh geh gơrềng tus broă lơh jak chài mờ bơto bơtê geh cih tàm Kơrnoat Pơrjum dờng Đảng ală kơnă.

                                                                                           Cau cih mờ yal tơngi\t- Lơ Mu K’ Yến