VOV4.K’ho - Drim òr 03/03, tàm [òn drà Ea Tling, kơnhòal Chư Jut, càr Dak Nông, mpồl ơruh pơnu Cộng Sản Hồ Chí Minh càr Dak Nông bơyai mut lơh nhai ơruh pơnu nam 2015, mờ tơngume “ Ơruh pơnu càr Dak Nông pơn ìơ să bơtàu tơnguh jat bùng bi Đảng”. Jat mờ hơ\, nhai ơruh pơnu nam do geh bơyai lơh uă broă lơh ngan ngồn kờ` bơtàu tơnguh gơnuar lam lài, lơh broă dong kờl is bơh ơruh pơnu dê tàm broă tus bal bơtàu tơnguh lơh sa, mpồl bơtiàn, tơn jơh jơ gloh tơmù rơbah, gàr tơl niam rài kis mpồl bơtiàn, bơt bơtàu bòn lơgar pa, gơguh jak tiah drà, chài rơ gơi gùng lòt. Nàng mut lơh geh cồng nha ală tơngume neh ai tơlik, ală kơnă mpồl ơruh pơnu tàm càr Dak Nông geh tơrgùm mblàng yal kung bè bơyai lơh cih mat dờp lơh ală bơnah broă ơruh pơnu bè bơt bơtàu phan bơna bòn lơgar, bơt bơtàu tiah ơm kis tiah drà, sền gàr ngap lơngai ờ do ờ dă, kham, pà sơ nơm cau rơbah is, ai is mhàm dong kờl cau.