VOV4.K’ho - Là 1 tàm 38 hìu bơsram dờng geh Gah bơto bơtê mờ bơsram dà lơgar jàu đơng lam mpồl pơlòng dà lơgar nam 2015, gơwèt 2 càr Dak Lak mờ Dak Nông, hìu bơsram dờng Tây Nguyên neh mờ gam geh uă broă lơh kờ` rơcang dơ\ pơlòng do. Tiến sĩ Nguyễn Tấn Vui gơnoar atbồ hìu bơsram dờng Tây Nguyên pà g^t, ală dơ\ pơlòng rơwah kơnòm bơsram mu\t bơsram tàm hìu bơsram dờng, hìu bơsram Cao đẳng lài do, pah nam geh di pơgăp bơh 23 tus 24 rơbô nă kơnòm dan tus pơlòng. Nam do, mìng geh 1 dơ\ pơlòng, mơya khà kơnòm bơsram dan pơlòng tơnguh mờr 2 dơ\ mờ di pơgăp 35 rơbô nă kơnòm bơsram dan tus pơlòng, den tàng broă kal ke tus mờ mpồl đơng lam là uă ngan. Kuơ màng rơlao, nam do mìng geh 1 dơ\ pơlòng, mơya geh tus 8 môn pơlòng den tàng broă tơl^k tơngu me pơlòng, sền pơlòng kal ke ngan. Bơh tàm bơta do, hìu bơsram dờng Tây Nguyên neh rơcang pơgồp bal mờ Gah bơto bơtê mờ bơsram 2 càr Dak Lak mờ Dak Nông kờ` rơcang ală bơta bè phan bơna, khà cau lơh broă drơng dơ\ pơlòng, ồng Nguyễn Tấn Vui pà g^t: “Bè phan bơna hơ\ là ală phan bơna drơng tàm broă l^p tơngu me pơlòng, lùp kờ` rơcang anih pơlòng, pơgồp bal rơndăp broă kờ` rơcang broă pơgồp bal mờ ală mpồl lơh broă kơlôi sơnơng ală kơrnoăt bơh Gah bơto bơtê mờ bơsram dà lơgar nền nòn, yal ală kuang bàng, cau lơh broă in kờ` g^t mùl màl di pal mờ kơrnoăt rơwah kơnòm mu\t bơsram pa. Bơh tu\ do, bol a` gam tơrgùm đơng lam lơh jăt ală broă do. Kuơ màng ngan là pal pơgồp bal mờ ală gah bơto bơtê mờ bơsram ală càr, pơgồp bal mờ ală hìu bơsram kai bơsram 2 càr Dak Lak mờ Dak Nông kờ` rơcang mpồl kuang bàng sền pơlòng, phan bơna ală anih pơlòng”.

Cau mblàng Ndong Brawl