VOV4.K’ho - Pơnjat tai dơ\ lơh broa\ tàm ala\ càr Tây Nguyên, drim òr 15/04, mpồl sền gròi bơh Anih duh broa\ sùm Gơnoar ala mat dà lơgar neh geh dơ\ lơh broa\ mờ kuang bàng atbồ càr Dak Lak bè bơta mut lơh gùng dà broa\ lơh adat boh lam bè atbồ ngui ù tiah tàm ala\ anih lơh sa suơn dờng, anih tam mờ sền gàr brê dà lơgar tơngai bơh 2004-2014. Mò Triệu Thị Nái kuang jat jơng atbồ Mpồl lơh broa\ kòn cau Gơnoar ala mat dà lơgar, kuang jat jơng atbồ mpồl sền gròi đơs, Dak Lak kờ` pal lơh loh ala\ bơta gam ờ hềt niam tàm gùng dà broa\ lơh,  jơnau sồr nền nòn kờ` Dà lơgar geh rơndap niam mpồl lơh sa ka\ bro dà lơgar, geh lơh bal bơh ala\ mpồl, càr Dak Lak pal  bơsong niam mo bơta kuơ bơh làng bol geh gơ rềng tus ù tiah, mờ kung geh lơh pràn broa\ lơh yal tơnggit mblàng. Mò Triệu Thị Nái, đơs:“Bol a` sồr càr pal sền gròi lơh pràn broa\ lơh bơto bơtê mblàng pơlam adat boh lam tus làng bol, ờ mìng tàm ròt gùng dra\ bal tàm mpồl cau kuang, cau geh Đảng, mờ tus tơl na\ làng bol. Bol he kis tàm  ù tiah do, mờ lời gơbàn roh brê, roh chi, ù tiah den gơbàn sơ gràm, mờ làng bol ờ go\ geh kơnòl he, mìng git lơh ania lơm, den  bơta do at bồ sền gàr gơbàn kal ke ngan. Den tàng, broa\ lơh mblàng pơlam nàng làng bol geh tus bal sền gàr brê geh ngui ù tiah kờ` ngan pal lơh kràn cê”.

                                                     Cau mblàng K’ Brọp