VOV4.K’ho – Drim òr, 25/4, tàm Hà Nội, mpồl sền gròi mut lơh broă rơcang sơndră trồ tiah lơh aniai mờ rơcang sơndră tam gơl trồ tiah bơh ồng Nguyễn Thiện Nhân, kuang geh jơng gah gùng dră bal dà lơgar, kuang atbồ anih duh broă gah tề lam gùng dră bal dà lơgar VN lam bồ neh tus lơh broă mờ Gah phan geh is mờ tiah ơm kis dà lơgar. Đơs tàm dơ\ lơh broă, ồng Nguyễn Thiện Nhân đơs loh, bơta mờ uă làng bol gam sền gròi tu\ do là bơta aniai bơh tam gơl trồ tiah tus mờ broă lơh sa kung bè rài kis làng bol dê. Sền wơl 6 nam do, ală broă lơh bè rơcang sơndră trồ tiah lơh aniai, rơcang sơndră tam gơl trồ tiah  geh ai tơlik kơnờm tàm nùs nhơm mờ kơrnuat bal là rơcang lài sơndră mờ tam gơl trồ tiah jat bơta jak chài, bơta geh is mờ gam pal gàr niam bơta kuơ jo\ jòng. Mơya, pal mut lơh gơrờm bal mờ tơmù dimơ, tàm hơ\ gơrờm bal mờ tam gơl trồ tiah, rơcang sơndră trồ tiah lơh aniai là kuơ màng; lơh broă gơrờm bal mờ tiah kis, jat bơta geh is, rơcang sơndră là tờm; ai broă sền gàr pràn kơldang să jan làng bol lài ngan. Tơngai tus, pal tơr gùm jòi ală broă lơh nàng gơ rờm bal mờ tam gơl trồ tiah.

                                    Cau cih mờ yal tơngit K’ Duẩn.