VOV4.K’ho – Drim òr 7/1, tàm pơrjum tơn jơh broă lơh nam 2015, mut lơh kơnòl broă nam 2016, anih duh broă làng bol càr Gia Lai neh pà sră jờng ai mpồl tam klac mpồl khoa học kỹ thuật càr mờ jờng rơ ală tiến sĩ pa tàm nam lài. Tàm nam 2015, mờ nùs nhơm tam klac, ringbal, mpồl tam klac ală mpồl khoa học kỹ thuật càr Gia Lai neh mut lơh uă broă lơh ngan ngồn. Bè bơyai lơh ală pơrjum “ Sơlơ tơnguh rlau tai pràn jak sền gròi mờ cribơyai mpồl bơtiàn tus mờ broă lơh phan geh is mờ tiah kis”, “ Pơr lòng bơceh kỹ thuật càr dơ\ 7, pơr lòng bơceh pa ơruh pơnu kơnòm pa tàu kơnòm dềt càr Gia Lai dơ\ 3. Tàm pơrjum, ồng Nguyễn Đức Hoàng, kuang jat jơng atbồ anih duh broă làng bol càr Gia Lai neh jàu pà sră jờng bơh kuang atbồ anih duh broă làng bol càr ai mpồl tam klac càr Gia Lai in, pà sră jờng ai 5 nă cau 1 nă să geh cồng nha jak ngan tàm broă lơh mpồl dê, mơkung jờng rơ 5 nă tiến sĩ pa càr Gia Lai dê.

                                                              Cau cih mờ yal tơngit K’ Duẩn.