VOV4.K’ho- Mho ngai 23/3, tàm ƀòn dờng Dà Làc, càr Lâm Đồng, Kuang đơng lam bồ bơh 10 Mpồl tam klăc bal cau ùr gơwèt Mpồl tàm pơrlòng ală càr jat kềng gah dà lềng tiah tàm gùl lơgar mờ Tây Nguyên tus bal pơrjum kĭ hơ pơrgon tàm pơrlòng nam 2021. Tơngume lơh jat broă lơh bal bơh ală Mpồl dê ring bal kĭ hơ pơrgon tàm pơrlòng nam 2021, là Mpồl ală broă lơh gờm chờ Pơrjum dờng ala mat cau ùr ală kấp pơgồp bal mờ tơngkah ngai crơng gơs Mpồl tam klăc bal cau ùr Việt Nam mờ Ngai cau ùr Việt Nam, ngai Hìu bơnhă Việt Nam, nhai lơh broă dà lơgar bè rcang sơn dră pù pờng hìu bơnhă nam 2021.

Mpồl tam klăc cau ùr ală càr jat kềng gah dà lềng tiah tàm gùl lơgar mờ Tây Nguyên lơh jat niam bơta pràn, tam klăc bal, dùl nùs bal bơyai lơh, lam lơh jat geh cồng nha tơngume hơ pơrgon tàm mpồl lơh broă, ală tiah mờ ală broă lơh tàm pơrlòng bal bơh Mpồl dê, pơgồp bơnah bơt bơtàu bơyai lơh Mpồl tam klăc bal cau ùr Việt Nam dê ngai sơlơ pràn kơl dang mờ kơ̆ kơljap.

Cau mblàng K’ Hạnh