VOV4.K’ho - Mho òr (10/5), tàm Hà Nội, mu\t broă lơh “Ală ngai Khoa học, công nghệ mờ tam gơl pa broă bơceh ASEAN-EU 2016” geh Gah Khoa học mờ Công nghệ dà lơgar bơyai lơh, hòi jà geh mờr 600 nă kuang bàng tus bal, tàm hơ\ geh di pơgăp 360 nă kuang bàng dunia tus bơh 40 lơgar krơi is.

“Ală ngai Khoa học, Công nghệ mờ tam gơl pa broă bơceh ASEAN-EU” là pơrjum geh ai ală cau lơh broă kơlôi sơnơng, ală kuang bàng lơh broă bè Khoa học-công nghệ mờ tam gơl pa broă bơceh, ală anih lơh sa kă bro tam gơl pa broă bơceh…tus bơh ală lơgar gơwèt mpồl ASEAN mờ mpồl tam klăc châu Âu (EU) tơnguh broă lơh bal. Broă lơh nam do geh bơyai lơh bơh ngai 10 tus ngai 12/5, tơrgùm tàm broă lơh bal, tam gơl bal bèkhoa học mờ công nghệ, lơh sa mờ măy mo\k bơh 2 mpồl dê, mờ tơngu me bè broă pơgồp bal bơh kòp gơtòp, dà, phan sa, năng lượng… Kung tàm broă bơyai lơh do, gam geh 24 anih ràng tơl^k ờ uă cồng nha tam gơl pa mờ khoa học-công nghệ bơh 10 lơgar dê, mìng là ală lơgar tàm mpồl ASEAN mờ EU. Jăt ồng Trần Việt Thanh, kuang jăt jơng atbồ gah Khoa học mờ Công nghệ dà lơgar yal, broă lơh “Ală ngai Khoa học, Công nghệ mờ tam gơl pa bơceh mpồl ASEAN-EU” geh pờ tơl^k bơta niam ai ală cau lơh broă kơlôi sơnơng, khoa học, anih lơh sa kă bro…bơ\t bơtàu mpồl lơh broă bal kờ` tam gơl bal, cri bơyai bal ală tơngu me geh sền gròi bal, mờ ai tơl^k ală bơta niam, bơta chài tàm broă lơh bal pa.

Cau cih mờ yal tơng^t Ndong Brawl