VOV4.K’ho – Drim do (26/6), tàm Hà Nội, geh lơh cri bơyai mpồl lơh sa kă bro Việt Nam nggùl tơngai lơh broă nam 2019 mờ tơngume: Gơnoar broă bơh ală mpồl lơh sa kă bro dê tàm bơtàu tơnguh kơ\ kơljap.

Cri bơyai geh rlau 500 nă kuang bàng, ala mat ală mpồl lơh sa kă bro dờng tàm lơgar mờ lơgar ndai, mờ bơta geh mat bơh 13 hiệp hội mpồl lơh sa kă bro lơgar ndai tàm lơgar Việt Nam.

 Geh gàr sùm tàm uă nam do, cribơyai mpồl lơh sa kă bro Việt Nam là cơ chế cribơyai sùm mờ jơh nùs đah Chính phủ mờ ală bộ, gah lơh broă lơgar Việt Nam mờ ală mpồl lơh sa kă bro tàm lơgar mờ lơgar ndai.

Cribơyai neh pơgồp bơnah tam gơl ală bơta pal geh bè broă kă bro, sơlơ chồl pràn bơta bơtàu tơnguh bơh ală mpồl lơh sa kă bro dùl nă să is, lơh gơlik bơta [uơn ai broă bơcri priă in, tă pơgồp tàm bơta bơtàu tơnguh lơh sa kơ\ kơljap bơh lơgar Việt Nam dê.

Cau mblàng K’Duẩn