VOV4.K’ho - Tu\ do, tàm càr Dak Lak neh mu\t kàl mìu, làng bol gam rơcang tàm kàl lơh sa pa, anih tăc sơntìl phan tam geh uă. Bơdìh mờ bă sre lơh kòi bal mờ phan tam ờ jo\ tơngai, pah nam càr Dak Lak kờ` geh sơntìp sih tam 120 rơbô lồ tơngời mờ 11 tơlăk kơl dung sơntìl phan tam jo\ tơngai mờ tòm chi sa plai. Bu\ lah tàm càr do geh 2 mpồl lơh sơntìl phan tam uă là Viện Khoa học Nông lâm nghiệp Tây Nguyên mờ anih lơh sơntìl phan tam-phan ròng càr Dak Lak, mơya kung mìng di pal 1 bơnah ờ uă ngan broă kờ` geh sơntìl phan tam làng bol in; geh uă sơntìl geh làng bol ờng is. Jăt khà kờp, tàm càr Dak Lak tu\ do geh di pơgăp 150 hìu tăc gar sơntìl phan tam ờ jo\ tơngai mờ 155 nơm suơn ờng, hìu tăc sơntìl phan tam jo\ tơngai, tòm chi sa plai. Broă sền gàr broă lơh mờ tăc sơntìl phan tam tìp uă kal ke, ờ hềt mùl màl di pal, làng bol pal rơcang ngăc tu\ rơwah blơi sơntìl phan tam.

Cau cih mờ yal tơng^t Ndong Brawl