Kuang gơs gơnăp gơnuar atbồ hờđang rlao jơh dà lơgar pa ki\ kơrnuat ai ngui Broă rơndăp lơh bơh Gơnuar atbồ lơgar dê, bè broă bơyai lơh ai jơnau đơs làng bol tus mờ rơndăp cih Adat broă làng bol (tam gơl). Kơrnuat đơs loh, broă bơyai lơh ai jơnau đơs tă pơ gồp bơh làng bol dê tus mờ rơndăp cih Adat broă làng bol (tam gơl), geh sền là dùl kơ nòl broă kuơmàng kờn pal geh lơh lài tơr gùm đơng lam mu\t lơh tàm 3 nhai bồ nam do. Rơndăp cih Adăt broă làng bol ( tam gơl) geh cih yal jơh tàm Păng bău Nhân dân, tàm jơnau yal tàm internet bơh Gơnuar ala mat dà lơgar, Gah lơh adat boh lam dà lơgar, mờ tàm jơnau yal tơngi\t tàm internet bơh Gơnuar atbồ lơgar dê. Broă ai jơnau đơs tă pơ gồp geh lơh bơh uă broă bè tă pơ gồp jơnau đơs tơn halà mờ sră nggal, bơyai lơh pơrjum, cribơyai…bơh tàm jơnau yal tơngi\t tàm internet bơh Gah lơh adăt boh lam dà lơgar mờ ală broă lơh dipal ndai. Tơngai ai jơnau đơs tă pơ gồp làng bol dê bè rơndăp cih Adat broă làng bol (tam gơl), sơnđờm mu\t lơh bơh ngai 5/1/2015 mờ tơn jơh tàm ngai 5/4/2015. Gah lơh adat boh lam dà lơgar jun tus Gơnuar atbồ lơgar in yal cồng nha lài mờ ngai 25/4/2015.