VOV4.K’ho – Ồng Vũ Đức Đam kuang jat jơng gơs gơnap gơnoar atbồ hơđang rlau jơh dà lơgar ringbal mờ jơnau sồr bơh Gah lơh sơnơm dà lơgar dê bè broă mut lơh broă lơh cit sơnơm vaccine rơcang sơndră kòp as sồt tơngoh Nhờk ai kơnòm dềt bơh 6 tus 14 sơnam mờ sơnơm vaccine dờp dong kờl bơh Mpồl tam klac gùt plai ù bè sơnơm vaccine mờ cit sơnơm rơcang sơndră kòp.

Ồng Vũ Đức Đam jàu Gah lơh sơnơm dà lơgar pơgồp bal mờ ală gah, sơnah lơh broă dà lơgar geh gơ rềng mut lơh broă dờp dong kờl sơnơm vaccine rơcang sơndră kòp as sồt tơngoh Nhờk bơh Mpồl tam klac gùt plai ù bè sơnơm vaccine mờ cit sơnơm rơcang sơndră kòp jat jơnau geh sồr. Jat broă lơh cit sơnơm rơcang sơndră kòp rề ơnàng dà lơgar, sơnơm vaccine rơcang sơndră kòp as sồt tơngoh Nhờk neh geh mut lơh tàm broă cit sơnơm rề ơnàng bơh nam 1997 ai kơnòm dềt bơh 1 tus 5 sơnam in; sơnam geh cit sơnơm do neh geh rề ơnàng hời rơhời jat ală nam. Nam 2014, sơnơm vaccine rơcang sơndră kòp as sồt tơngoh Nhờk geh mut lơh tàm jơh ală tiah tàm gùt lơgar jat broă lơh bơyai lơh dùl dơ\ cit uă. Tus tu\ do, neh geh git nđờ jơt tơlak dơ\ kơnòm dềt geh cit sơnơm vắc xin do. Bơh nam 2015, sơnơm vaccine do geh ai cit sùm, pơnjat tai geh mut lơh mờ tơnguh khà kơnòm dềt geh cit sơnơm rơcang sơndră kòp as sồt tơngoh Nhờk.

                                                         Cau cih mờ yal tơngit K’ Duẩn.