VOV4.K’ho – Ngai òr 26/5, Anih duh broă làng bol càr Daknông bơyai lơh pơrjum Mpồl đơng lam broă lơh kàl rlô bơkang mờ broă lơh ơruh pơnu lơh broă dong kờl is nàng cribơyai mờ ring bal broă rơndăp lơh lam lơh broă lơh kàl rlô bơkang mờ broă lơh ơruh pơnu lơh broă dong kờl is kàl rlô bơkang nam 2016.

Jat broă rơndăp lơh, mờ tơngume “Tài tiah ơm kis ờdo ờdă, niam bơne\ ai kơnòm dềt in”, broă lơh kàl rlô bơkang nam 2016 geh lơh bơh ngai 1/6 tus ngai 31/8, geh lơh uă tàm ală broă lơh tờm, bè: rơcang pleh rềs àr sồt să tàm ơruh pơnu kơnòm pa tàu kơnòm dềt; broă lơh bơto bơtê kàl rlô bơkang; bơta chài rơgơi, đơs crih tam ya, tàp pràn să jan, nhơl chờ, lơh rài bồ tơngoh; sền gàr phan bơna hìu bơsram, tam chi…Broă lơh ơruh pơnu lơh broă dong kờl is geh lơh bơh ngai 15/7 tus ngai 15/8 mờ tơngume “Rơnàng kơnòm să tàm sơm băt tê bal bơ\t bơtàu [òn lơgar pa mờ bơtàu tơnguh jak chài tiah drà”. Đơs tàm dơ\ pơrjum [ău, kuang bàng đơng lam càr Daknông đơs tờm: nàng broă lơh kàl rlô bơkang mờ broă lơh ơruh pơnu lơh broă dong kờl is nam 2016 geh lơh geh cồng nha, ală kơnhoàl mờ [òn drà kờn pal mu\t lơh e\t ngan rlau jơh là kung bơh dùl broă lơh ơruh pơnu geh bơta kuơ bè lơh sa, mờ mpồl bơtiàn. Ală kơnă, ală gah kờn pal dong kờl, ai bơta niam ngan rlau jơh ai mpồl cau bơsram dờng lơh broă dong kờl is in kung bè ơruh pơnu tàm tiah do in lơh ală broă, srơh, bè pleh nùs nhơm jàu kơnòl jơh ai ơruh pơnu in.

Cau cih mờ yal tơngi\t- Lơ Mu K’ Yến