VOV4.K’ho –“ Bác Hồ mờ cau kơnòm să” là tơngume ràng tơlik bơh Anih prap ơn phan kuơ kah yau Hồ Chí Minh mờ anih prap ơn phan kuơ kah yau Tuổi trẻ Việt Nam bơyai lơh di tơngkah 85 nam ngai crơng gơs mpồl ơruh pơnu Cộng sản Việt nam, 26/3.

Mờ mờr 200 pang rùp, sră nggal, phan lời kir, ràng tơlik neh yal lơyah bè rài kơnòm să Bác Hồ; nùs nhơm, bơta sền sơ wì bơh Bác Hồ dê bè bơngă, gơnoar bơh rơnàng cau kơnòm să tàm kac màng; bơta sền gròi, bơyai lơh bơto bơtê mờ pơlam tàp bơh Bác Hồ dê ai ơruh pơnu, kơnòm pa tàu mờ kơnòm dềt in; đơs tờm bơngă dờng màng bơh rơnàng kơnòm să Việt Nam dê tàm broă lơh bơt bơtàu mờ sền gàr dà lơgar. Ràng tơlik kung yal tus cau sền in ală tu\ tơngai cau kơnòm să dê, bơta tă pơgồp bơh ơruh pơnu tàm làm gùt ù tiah dà lơgar dê bè broă lơh cau kơnòm să tài dà lềng, bồt dà lềng [òn lơgar, lòt bal mờ cau lơh ka tàm dà lềng, pà bùng bi mờ àu pơr đồng cau lơh ka in, kham kòp mờ pà sơnơm làng bol kòn cau in halà sơmbat tê bal bơtàu tơnguh broă lơh sa mìr kơphe tàm Tây Nguyên...

                                                           Cau cih mờ yal tơngit K’ Duẩn.