VOV4.K’ho - Drim òr 30/09, tàm [òn drà Lăng Cô, càr Thừa Thiên Huế, Anih duh broă kơrnoat boh lam Gơnoar ala mat dà lơgar dê mu\t pơrjum bal dơ\ 22, iat kơno, mblàng jơnau đơs tă pơgồp bơh Anih duh broă sùm Gơnoar ala mat dà lơgar dê tàm Rơndăp lơh Adat bè mpồl. Ồng Uông Chu Lưu kuang jat jơng atbồ Gơnoar ala mat dà lơgar đơng lam dơ\ pơrjum. Tàm dơ\ pơrjum, uă jơnau đơs ring bal mờ rcang cih Adat mờ đơs là, ală mpồl gùng dră bal- mpồl bơtiàn geh gơnoar broă mờ bơngă dờng màng ngan, mu\t lơh ală kơnòl gùng dră bal kuơmàng, geh dà lơgar ai tơl priă jền nàng lơh broă, phan bơna; geh rơndăp tăp sèng mpồl đơng lam, mpồl kuang bàng, cau lơh broă sa priă nhai dà lơgar. Uă jơnau đơs tă pơgồp đơs là: kờn pal sơlơ lơh uă tai broă lơh atbồ dà lơgar bè mpồl, mơkung lơh geh bơnàng jă ai broă lơh bơh cau lam bồ mpồl dê in.

            Cau cih mờ yal tơngi\t- Lơ Mu K’ Yến