VOV4.K’ho- Pơrjum cau ala mat gùt lơgar ală jơi bơtìan kòn cau Việt Nam dơ\ 2 nam 2020 ngan ngồn mut lơh ngai do, 4/12 tàm Tiah tờm pơrjum dà lơgar, càr lơgar Hà Nội. Tus bal pơrjum geh 1 rbô 600 nă cau ala mat, geh rơ wah tàm pơrjum cau ala mat ală jơi bơtìan kòn cau kấp càr dơ\ 2, ala mat 54 jơi bơtìan kòn cau tàm mpồl bơtìan ală jơi bơtìan kòn cau Việt Nam.

Mờ tơngume “Tàm bùng bi pơn iờ să bơh Đảng dê, ală jơi bơtìan kòn cau ring bal, tam klac, ki ngàm, dong kờl bal mờ gơp, tơnguh bơta pràn tàm dơlam is bơtàu tơnguh bal mờ dà lơgar”, pơrjum nàng kờ` sền sơ wì ală cồng nha lam lơh broă dong kờl kòn cau, broă lơh kòn cau tơngai bơh nam 2010 tus nam 2020, bơh hơ\ ai geh ală jơnau bơsram mờng chài, pơn jat tai lơh sir broă lơh dong kờl kòn cau, ai tơlik gùng dà, jơnau kờ`, kơ nòl mờ broă lơh kòn cau tơngai bơh nam 2020 tus nam 2030.

Cau mblàng K’Duẩn