VOV4.K’ho – Mho òr, 25/10, tàm Hà Nội mut lơh pơrjum cribơyai lơh sa dunia bè Mekong dơ\ 1 geh bơta tus bal bơh rlau 100 mpồl lơh sa dờng, mpồl lơh sa kă bro geh jơng tàm cribơyai lơh sa dunia mờ 60 mpồl lơh sa kă bro bơh ală lơgar geh jơng tàm tiah Mekong. Pơrjum là jơnau bơceh geh pơn rơ ngan bơh Việt Nam dê kềng gah pơrjum dờng màng tam klac Campuchia, Lào, Myanmar, Việt Nam, pơrjum pơgồp bal kuơ màng 3 dà dờng Ayeyarwadi – Chaopraya- Mekong. Pơrjum ờ mìng geh bơta tus bal bơh ală kuang đơng lam bồ dờng màng ală lơgar Mekong mờ gam geh ala mat bơh ală lơgar lơh broă bal bơtàu tơnguh dờng mờ ală mpồl lơh broă dunia bè Anih duh broă dunia, Anih priă jền dunia, Anih priă jền bơtàu tơnguh châu Á. Do là bơta [uơn nàng sơlơ tơnguh rlau tai jơnau đơs bơh ală lơgar tiah dà dờng Mekong dê, gơ hòi geh bơta sền gròi bơh ală lơgar lơh broă bal tàm mpồl mờ bơdìh mpồl ASEAN kờ` lam sồr bơta pràn bơtàu tơnguh tiah do in.

             Cau cih mờ yal tơnggit K’ Duẩn.