VOV4.K’ho- Drim ngai 5/10, tàm Hìu duh broă Đảng Dà lơgar, Pơrjum dà lơgar dơ\ 13 Ban Chấp hành Đảng dà lơgar khoá 12 neh sơnđờm mu\t pơrjum yu\ rơyùm, bơh bơta đơng lam bơh ồng Nguyễn Phú Trọng Tổng Bí thư, Chủ tịch lơgar dê.

Ồng Nguyễn Phú Trọng Tổng Bí thư, Chủ tịch lơgar đơs tàm pơrjum

Đơs sơnđờm mu\t Pơrjum, ồng Nguyễn Phú Trọng đơs sùm, Pơrjum dơ\ do cribơyai ală broă kuơmàng ngan mờ dờng màng ngan gơ sồr bơta tơrgùm kơlôi sơnơng, cribơyai geh kơnòl, hơ\ là: ală broă bè broă lơh sa- mpồl bơtiàn nam 2020- 2021 bơh bơta gơrềng bơh kòp dờng Covid-19 dê; pơn jăt tai lơh gơs jơnau rơcăng cih ală sră nggal bè Jơnau yal chính trị, Jơnau yal lơh sa- mpồl bơtiàn, Jơnau yal bơ\t bơtàu Đảng mờ lơh jăt Adat bơhiàn Đảng dê nàng pơyua dan jơnau đơs tă pơgồp bơh ală kuang bàng Quốc hội khoá 14 dê, Mặt trận dà lơgar Việt Nam, ală mpồl lơh broă chính trị- mpồl bơtiàn mờ làng bol dê. Kuơmàng là broă lơh kuang bàng Ban Chấp hành Đảng dà lơgar khoá 13 tu\ sền swì, săc rwah, yal tơngi\t pal jăt tàm jơnau tơl khà, bơta pal geh, rơndăp tăp sèng, khà cau, nùs nhơm, bơta pràn jak mờ bơngă pin dờn bơh kuàng bàng dê.

Cau mblàng Lơ Mu K’Yến