VOV4.K’ho – Mho òr, 14/12, tàm Hà Nội, Pơrjum dơ\ 13, Mpồl duh broă Đảng Dà lơgar kơnă XI mu\t pơrjum yu\ rơyùm ngan. Digơlan tàm 7 ngai lơh broă, Pơrjum Dà lơgar dơ\ 13 geh cribơyai bè ală broă: Iat kơno jơnau đơs tă pơgồp bơh Pơrjum dờng Mpồl Đảng ală kơnă, bơh kuang bàng Gơnoar ala mat dà lơgar, Gah tề lam gùng dră bal dà lơgar, ală mpồl cau làng bol, bơh kuang bàng, cau geh Đảng mờ làng bol; Ală rơndăp cih sră nggal jun yal Pơrjum dờng dơ\ 12 bơh Đảng dê: Yal tơn jơh mu\t lơh Kơrnoat Dà lơgar dơ\ 4  kơnă XI bè bơ\t bơtàu Đảng, bè kuang bàng lơh broă tàm Mpồl duh broă Dà lơgar, rơndăp cih kơrnoat lơh broă, kơrnoat pồ tàm Pơrjum dờng dơ\ XII bơh Đảng dê mờ bàr pe bơta kuơmàng ndai. Đơs mu\t pơrjum, ồng Nguyễn Phú Trọng kuang atbồ đơng lam Đảng dà lơgar đơs loh: Pơrjum Dà lơgar dơ\ do geh bơta kuơ dờng màng ngan, gơrềng tơn tus broă rơcang mờ bơyai lơh geh cồng nha Pơrjum dờng kuang ala mat gùt lơgar dơ\ XII bơh Đảng dê.

Cau cih mờ yal tơngi\t- Lơ Mu K’ Yến