VOV4.K’ho- Drim ngai 14/12, tàm hìu lơh broă Đảng dà lơgar yu\ rơ yùm mut lơh pơrjum dơ\ 14 Ban Chấp hành Đảng dà lơgar khóa 12. Đơs tàm dơ\ mut pơrjum, Tổng Bí thư, Chủ tịch lơgar, ồng Nguyễn Phú Trọng đơs nền: Pơrjum dơ\ do geh gơtha kuơmàng ngan, cribơyai ua\ tơngume gơ rềng tơn tus broă rơcang mờ bơyai lơh geh cồng nha pơrjum dờng dơ\ 13 bơh Đảng dê. Hơ\ là cih dờp tă pơgồp bơh pơrjum dờng Đảng bộ ală kấp, bơh Quốc hội, Mặt trận dà lơgar Việt Nam, ală mpồl lơh broă chính trị  mpồl bơtìan, bơh kuang bàng, đảng viên mờ làng bol dê tàm jơnau rơcang cih ală sră nggal yal pơrjum dờng dơ\ 13 in; yal tơnggit kuang bàng mut tàm Bộ Chính trị, Ban Bí thư khóa 13; jơnau rơcang cih Quy chế te\ khà; quy chế lơh broă tàm pơrjum dờng dơ\ 13 bơh Đảng dê mờ 2, 3 broă kuơmàng ndai.

Dùl tơngume geh sền gròi ua\ ngan tàm pơrjum dơ\ do hơ\ là broă yal tơnggit kuang bàng mut tàm Bộ Chính trị, Ban Bí thư khóa 13. Tàm pơrjum Đảng dà lơgar dơ\ 13 pa do, dà lơgar neh đùh sră pờ tê ring bal yal tơnggit kuang bàng mut tàm Ủy viên Đảng dà lơgar ngan ngồn, Ủy viên Đảng dà lơgar rơcang lài mờ Ủy viên Ủy ban sền sơ wì dà lơgar khóa 13.

Cau mblàng K’Duẩn