VOV4.K’ho- Drim ngai 08/3, tàm Hìu lơh broă Đảng dà lơgar geh lơh dơ\ mut pơrjum Đảng dà lơgar dơ\ 2 Ban Chấp hành Đảng dà lơgar khóa 13. Đơs mut pơrjum, Tổng Bí thư, Chủ tịch lơgar, ồng Nguyễn Phú Trọng đơs nền, pơrjum dơ\ do cribơyai ală broă kuơmàng ngan hơ\ là cribơyai broă lơh jơh gùt khóa bơh Ban Chấp hành Đảng dà lơgar khóa 13 dê; broă yal tơnggit kuang bàng đơng lam bồ dờng màng bơh ală anih lơh broă dà lơgar dê mờ 2, 3 broă kuơmàng ndai.

Tổng Bí thư, Chủ tịch lơgar đơs là, bơh tơ nơ\ pơrjum dờng dơ\ 13 Đảng dê tus tu\ do, Bộ Chính trị neh jal mhar đơng lam broă lơh sir mờ yal ală sră nggal bơh pơrjum dờng dê; rơcang ai tơlik Jơnau sồr bơh Bộ Chính trị dê bè broă kơ lôi sơ nơng, bơsram, pơlam lơh jat, mblàng yal mờ lam lơh jat Nghị quyết pơrjum dờng dơ\ 13 bơh Đảng dê; rơcang bơt bơtàu ală quy chế lơh broă bal mờ 2, 3 tơngume kuơmàng ndai.

Tổng Bí thư, Chủ tịch lơgar đơs nền, broă kuang bàng mờ pơrjum Đảng dà lơgar lơh nền mờ tus bal tă pơgồp jơnau đơs dơ\ do pal pơlam nền nòn mờ lam lơh jat ring bal gùng dà broă lơh kuang bàng bơh pơrjum dờng gùt lơgar dơ\ 13 bơh Đảng dê neh ring bal, gàr bơta đơng lam ring bal, tơl làm, ring niam bơh Đảng dê tàm ală gah, ală tiah mờ lơh gơlik bơta pràn tơrgùm bal.

Cau mblàng K’Duẩn