VOV4.K’ho – Drim òr 21/03, pơrjum dơ\ 11 Gơnoar ala mat dà lơgar kơnă XIII ngan ngồn mu\t pơrjum tàm Hà Nội. Do là dơ\ pơrjum du\t ndơl bơh tơngai lơh broă dê, den tàng bè hơ\, bal mờ broă lơh adat boh lam, sền sơ wì, lơh nền ală bơta kuơmàng bơh dà lơgar dê, Gơnoar ala mat dà lơgar gam lời uă ngan tu\ jiơ nàng tơn jơh broă lơh tơngai lơh broă bơh ală anih lơh broă Dà lơgar, Gơnoar ala mat dà lơgar, mờ Gơnoar atbồ lơgar dê. Kuơmàng, tàm dơ\ pơrjum do, Gơnoar ala mat dà lơgar kung lời uă ngan tu\ jiơ nàng lơh kơ\ kơl jăp wơl kuang bàng đơng lam Dà lơgar. Bè broă lơh adat boh lam, tàm dơ\ pơrjum do, Gơnoar ala mat dà lơgar geh lời pơgăp 4 ngai nàng cribơyai, sền sơ wì, ring bal 7 rơndăp lơh adat. Gơnoar ala mat dà lơgar lời rlau 4 ngai nàng sền sơ wì, đơs mờ bơtơl cồng nha mu\t lơh kơnòl broă bơtàu tơnguh lơh sa- mpồl bơtiàn mờ kes priă dà lơgar nam 2015, cồng nha mu\t lơh broă rơndăp lơh bơtàu tơnguh lơh sa- mpồl bơtiàn 5 nam bơh nam 2011- 2015 mờ  geh kơrnoat broă rơndăp lơh ngui ù tiah 5 nam tơngai bơh nam 2016- 2020…Kuơmàng, Gơnoar ala mat dà lơgar lời rlau 10 ngai, bơh ngai 31/03 tus ngai 12/04 nàng sền sơ wì, geh kơrnoat broă lơh kuang bàng lơh broă dà lơgar, tàm hơ\ ală gơnoar broă dờng màng là Kuang atbồ lơgar, Kuang gơs gơnăp gơnoar atbồ hơđang rlau jơh dà lơgar mờ Kuang atbồ Gơnoar ala mat dà lơgar.  

Cau cih mờ yal tơngi\t- Lơ Mu K’ Yến