VOV4.K’ho – Drim òr 2/12, mut pơrjum dơ\ 11, Mpồl duh broă ala mat làng bol càr Dak Lak kơnă 8. Tus bal mờ geh jơnau đơs đơng lam pơrjum, ồng Êban Y Phu kuang atbồ đơng lam Đảng càr Dak Lak sồr kuang bàng tơr gùm kơlôi sơnơng, cribơyai, mblàng lơh loh ală cồng nha lơh geh, ală bơta gam ờ niam, ờ pràn; kờp du\ lài bơta digơlan geh mờr tus jat nùs nhơm song dơpă, jak chài, tơl làm; ai tơlik ală broă lơh nàng mut lơh kơnòl broă nam 2016. Tàm dơ\ pơrjum do, ală kuang bàng mut lơh pồ tơl làm lơh broă sùm mpồl duh broă ala mat làng bol càr Dak Lak mờ Anih duh broă làng bol càr kơnă 8, tơngai lơh broă bơh nam 2011 tus nam 2016, ồng Êban Y Phu đơs tờm, do là broă lơh kuơ màng, geh pơrya tus mờ broă mut lơh geh cồng nha rơndap broă bơtàu tơnguh lơh sa mpồl bơtiàn, sền gàr dà lơgar, sền gàr ngap lơngai tàm tơngai tus. Kuang bàng pal tơnguh jơnhua nùs nhơm tềng đap cau te\ khà mờ làng bol tàm càr, brồ guh làng bol lơh tờm, pồ, rơ wah cau lơh broă at ală gơnoar broă kuơ màng mờ mpồl Đảng kung bè làng bol jàu.

                                                        Cau cih mờ yal tơngit K’ Duẩn.