VOV4.k’ho – Drim òr 8/12, Mpồl duh broă ala mat làng bol càr Kon Tum kơnă 10 mut pơrjum dơ\ 11, sền mờ đơs bè broă mut lơh rơndap broă bơtàu tơnguh lơh sa mpồl bơtiàn, sền gàr dà lơgar, sền gàr ngap lơngai nam 2015; ai tơlik rơndap broă, kơnòl broă, jơnau kờ`, broă lơh nam 2016 mờ tơlik kơrnuat bè ờ uă bơta kuơ màng ndai. Đơs bè broă mut lơh jat kơrnuat bơh mpồl duh broă ala mat làng bol càr Kon Tum dê bè bơtàu tơnguh lơh sa mpồl bơtiàn, sền gàr dà lơgar, sền gàr ngap lơngai nam 2015, uă ngan ală kuang bàng ringbal jơnau dờp, bơdìh mờ cồng nha lơh geh den gam geh uă kal ke, ờ pràn. Pơrjum mpồl duh broă ala mat làng bol càr Kon Tum geh tơr gùm cribơyai, tơlik rơndap broă, kơnòl bơtàu tơnguh lơh sa mpồl bơtiàn, sền gàr dà lơgar, sền gàr ngap lơngai nam 2016, rơndap broă tam pà kes priă nam 2016, tơlik kơrnuat, khà tơl mờ khà tam pà priă bơcri bơtàu tơnguh tă dia dà lơgar càr dê tơngai bơh nam 2016 tus nam 2020; rơndap broă crơng gơs kes priă dong kờl bơtàu tơnguh mpồl lơh sa bal, crơng gơs pa ờ uă [òn tàm kơnhoàl Sa Thầy mờ [òn dờng Kon Tum; sơnđan mat, tam gơl mat ờ uă gơl gùng; tơn lời lơh broă, pồ bơ tơl kuang bàng mpồl duh broă ala mat làng bol càr, tơngai bơh nam 2011 tus nam 2016.

                                                            Cau cih mờ yal tơngit K’ Duẩn.