VOV4.K’ho – Drim òr 04/05, tàm Hà Nội, Pơrjum dơ\ 11 Mpồl duh broă Đảng Dà lơgar kơnă 11 mu\t pơrjum. Ồng Nguyễn Phú Trọng kuang atbồ đơng lam Đảng dà lơgar đơng lam dơ\ pơrjum. Pơrjum dơ\ do, Mpồl duh broă Đảng dà lơgar geh bơyai bè ală bơta gùng dà broă lơh kuang bàng Mpồl duh broă Đảng dà lơgar kơnă 12, khà tam pà mờ kuang bàng tus bal Pơrjum dơ\ 12, broă bơyai lơh gơnoar atbồ [òn lơgar, rơndăp broă lơh blàng rơndeh par dunia Long Thàng mờ tă pơgồp jơnau đơs bè yal ală broă lơh kuơmàng mờ Gah Gùng dră bal dà lơgar neh lơh bơh tơnơ\ pơrjum Dà lơgar 10 tus tu\ do. Tàm jơnau đơs mu\t pơrjum, ồng Nguyễn Phú Trọng yal ờ uă jơnau đơs geh bơta bơto pơlam nàng Dà lơgar in kơlôi sơnơng, ]ribơyai mờ tơlik kơrnoat. Bè gùng dà broă lơh kuang bàng Mpồl duh broă Đảng Dà lơgar kơnă 12, ồng Nguyễn Phú Trọng đơs loh: 2 broă kuơmàng ngan rlau jơh bơh pah dơ\ pơrjum Đảng dê là broă ]ribơyai, tơlik kơrnoat gùng dà broă lơh, mờ kơnòl broă gùng dră bal bơh Đảng dê (đơs bal là ring bal ală sră nggal) mờ pồ ală anih lơh broă đơng lam bơh Đảng dê (đơs bal là broă lơh kuang bàng). Bàr broă do geh bơta gơrềng bal uă ngan. Gơ wèt mờ bơta broă bơyai lơh gơnoar atbồ [òn lơgar, ồng Nguyễn Phú Trọng đơs tờm, tam gơl pa, lơh kơ\ kơl jăp broă bơyai lơh gơnoar atbồ [òn lơgar là jơnau geh bơta kuơ dờng màng ngan tus mờ broă lơh tam gơl pa, lơh gơs, tơnguh jơnhoa cồng nha lơh broă bơh Dà lơgar gơnoar kơrnoat boh lam làng bol lơh tờm mpồl bơtiàn ring bal Việt Nam dê.