VOV4. K’ho - Drim do (11/5), anih duh broă sùm Gơnoar ala măt dà lơgar mu\t pơrjum dơ\ 38, iăt mờ ai jơnau đơs tàm jơnau yal bơtơl Gơnoar atbồ lơgar dê bè broă lơh jăt rơndăp boă tơnguh bơtàu lơh sa-mpồl bơtiàn mờ kes priă dà lơgar nam 2014 bal mờ ală nhai bồ nam 2015; broă tam pà khà priă sơlèt mờ tă kes priă dà lơgar nam 2014, tơn jơh tă priă dà lơgar nam 2013, jơnau yal bè broă tềm pềr sơndră mờ hoàc huơr bal mờ ờ uă rơndăp broă bè adăt broă làng bol tam gơl mờ lùp làng bol…iăt jơnau yal bè broă rơcang pơrjum dơ\ 9, Gơnoar ala măt dà lơgar kơnă 13 mờ ờ uă broă kuơ màng ndai. Ồng Nguyễn Sinh Hùng, kuang atbồ Gơnoar ala măt dà lơgar neh đơs lam dơ\ pơrjum. Đơs tàm dơ\ mu\t porjum, ồng Nguyễn Sinh Hùng neh đơs tus bơta tòm bơh pơrjum là ai jơnau đơs tàm jơnau yal bơtơl bơh Gơnoar atbồ lơgar dê bè broă lơh jăt rơndăp broă tơnguh bơtàu lơh sa-mpồl bơtiàn, kes priă dà lơgar bal mờ ală broă bè lơh jăt tềm pềr sơndră mờ hoàc huơr. Kuơ màng là ală broă lơh geh cồng nha ală kơnòl lơh sa-mpồl bơtiàn nam 2015. Bơdìh hơ\ tai, dơ\ pơrjum kung ai jơnau đơs tàm 3 rơndăp broă adăt: adăt phan bơna mờ broă làng bol mờ lùp làng bol bal mờ yal lài bè trồ tiah mờ ờ uă tơngu me kuơ màng ndai…

Cau mblàng Ndong Brawl